ګلرحمن رحماني

د افغان سولي لپاره د طالبانو او امریکا تر منځ په قطرکې د خبرو شپږم پړاو د چهارشنبې په ورځ شروع شو او تر اوسه ادامه لري. د طالبانو له لوري د خبرو مشري په قطر هیواد کې د طالبانو د سیاسی دفتر مشر عباس ستانکزی کوي

اېمل پیاوړی

د سولې مشورتي لویې جرګې له پایته رسېدو وروسته جمهوررئیس غني د بېلابېلو ولایتونو او اقشارو منتخبو استازو سره جلا جلا وکتل او په سولې مشورتي لویه جرګه کې یې د دوی د فعال حضور قدرداني وکړه.

مطیع الله سحر

کله چې ښاغلي محمد اشرف غني د هیواد د ریاست جمهوري لپاره ځان نوماند کړ، هغه وخت افغان ولس ښاغلی غني لا  سم نه پېژنده او نه یې هم څوک له کارنانو خبر وو، خو بس د یو او بل له خولې یې دومره اورېدلي و چې ښاغلی غني پر وطن مئین، د افغان ولس په درد دردمن او په خوشحالیو یې خوشحاله. او بل دا چې ښاغلی غني یو با استعداه او د نړۍ دوهم متفکر و.

مطیع الله سحر

جنګ هغه بدبخته نوم دې چې د نړۍ ټول انسانان ترې کرکه لري، ځکه جنګ د تباهۍ، بربادۍ او بدمرغۍ نوم دی او د جنګ بدې اغېزې، ورانۍ او دربدرۍ تر بل هر چا موږ افغانان ځکه ښې درک کولی شو، چې څلوېښت کاله مو په جنګ کې تېر شول او لا هم د جنګ قربانیان یوو.

محمدبشیر یوسفزوی

د وسله والو طالبانو مذاکره کوونکی پلاوی له تېرو څو میاشتو راهیسې د افغان سولې لپاره د امریکا متحدو ایالتونو د بهرنیو چارو وزارت ځانګړي استازي ډاکټر زلمي خلیلزاد سره په ابوظبۍ او دوحه کې څو ناستې وکړې چې یوه ناسته یې ان تر شپاړس ورځو پورې وغځېدله.

محمدبشیر یوسفزوی

د وسله والو طالبانو مذاکره کوونکی پلاوی له تېرو څو میاشتو راهیسې د افغان سولې لپاره د امریکا متحدو ایالتونو د بهرنیو چارو وزارت ځانګړي استازي ډاکټر زلمي خلیلزاد سره په ابوظبۍ او دوحه کې څو ناستې وکړې چې یوه ناسته یې ان تر شپاړس ورځو پورې وغځېدله.

اېمل پیاوړی

د افغانستان دښمنانو پرون یو ځل بیا وحشت وکړ، ځکه د روژې مبارکې میاشت کې یې په پلازمېنه کابل کې د نوي ښار په سیمه کې پر کاونټرپارټ ملکي دفتر چې خلکو ته خدمات وړاندې کوي تروریستي برید وکړ. بریدګرو له چاودېدونکو توکو ډک موټر ته د یاد دفتر په دروازه کې چاودنه ورکړه او له چاودنې وروسته پنځه بریدګر ودانۍ ته ننوتل.

د پېښې نوعیت او وحشت ته په کتو دا وېره او اندېښنه موجوده وه چې ممکن یو بشري ناورین را منځته شي او د تلفاتو شمېر لوړ شي، خو زموږ اتلو او زړورو امنیتي او دفاعي ځواکونو په همغو لومړیو شیبو کې د پېښې ځای ته ځان ورساوه، سیمه یې کلابنده کړه، هلته ایسار هیوادوال او کارکوونکي یې په خوندي ډول د پېښې له ځای څخه وېستل او بیا یې پر بریدګرو مرګوني بریدونه وکړل. زموږ د زړورو سرتېرو د مېړانې او مسلکي چلند له برکته د زیاتو تلفاتو د مخنیوي په موخه هم عملیات په ښه توګه ترسره شول، هم پنځه واړه بریدګر ووژل شول او هم د دښمن ناوړه پلان چې د وېرې او وحشت فضا رامنځته کول او د وینو بهول وو له خاورو سره خاورې شو.

دا لومړی ځل نه دی چې زموږ امنیتي او دفاعي ځواکونه د دغه ډول تروریستي بریدونو د مهارولو او زیاتو تلفاتو د اوښتو د مخنیوي لپاره پر وخت اقدام کوي، بلکې دوی په مراتبو د دښمن دغه ډول بریدونه او پلانونه له خاورو سره خاورې کړي، ځکه څه موده وړاندې چې کله بریدګرو پر مخابراتو وزارت برید وکړ، نو زموږ ځواکونو په ډېره ښه توګه هم د وزارت د کارکوونکو ژوند وژغوره او هغوی یې له خوندي لارې د پېښې له ځای څخه وېستل او هم یې هلته ځای پر ځای شوي بریدګر یو په بل پسې ووژل.

دا هر څه د ولسمشر غني د ځانګړي پاملرنې، د امنیتي او دفاعي ځواکونو په لیکو کې د اصلاحاتو او د امنیتي او دفاعي سکتور په رهبرۍ کې د تغیر او تبدیل له برکته دي، ځکه یو وخت داسې هم وو چې دښمن به پر کوم ځای برید وکړ، نو زموږ ځواکونو به په ساعتونو او ورځو د پېښې ځای ته ځانونه نشو رسولی او که به ورسېدل، نو پېښه یې د تلفاتوله مخنیوي پرته نشوه مهارولی او ځینې مهال به یې ان په ساعتونو دوام کاوه. دلیل یې دا وو چې هغه مهال له یوې خوا زموږ امنیتي او دفاعي ځواکونه د تمویل او تجهیز له پلوه کمزوري وو او چندان توجه نه ورته کېدله او بل عمده دلیل یې دا وو چې فساد نهایت زیات وو او د فساد له امله د وسله والو ځواکونو روحیه نهایت کمزورې شوې وه.

ولسمشر غني خپل د اصلاحاتو پروګرام له ملي دفاع وزارت څخه پیل کړ او په بریالیتوب یې تطبیق کړ، په قراردادونو او ټولو برخو کې یې اصلاحات راوستل، سلسله مراتب مراعت شو، پر ضوابطو د روابطو حاکمیت له منځه ولاړ، په واسطه مقرر شوي جنرالان او صاحب منصبان تقاعد ته سوق شول، په رهبري کې تغیر راغی، ځوان او پر کارپوه کسان وګومارل شو او له دې امله زموږ ځواکونو یوه نوې روحیه واخیسته، داسې روحیه چې د سپر په توګه هر ځای د دښمن پر وړاندې ودرېږي، مبارزه کوي او تروریستي پېښې په ښه توګه مهاروي.

محمدروښان ښاد

د ملي امنیت سلاکار ډاکټر حمدالله محب په خپلو تازه څرګندونو کې ټول هیوادوال ملي مبارزې او یووالي ته وربللي دي، هغه وایي که په دې کې غفلت او ځنډ وشي، خدای مکړه بیا به لاس مروړو، خو وخت به تېر او فرصت به ضایع وي. هغه وایي:

محمدبشیر یوسفزوی

د سولې مشورتي لویې جرګې په وروستۍ ورځ ولسمشر غني د ولس منتخبو استازو ته د وینا پرمهال د روژې مبارکې میاشتې په مناسبت وسله والو طالبانو ته د سولې بلنه ورکړه او هغوی ته په خطاب کې یې وویل: "راځئ! د روژې په دې مبارکه میاشت کې یو کار وکړو چې زموږ ملت ته د روژه ماتي تر څنګ یوه بله خوشالي راولي. راځئ په دې مبارکه میاشت کې د ملت له کوره غم او مصیبت لري کړو. زه په دغه وړاندیز بشپړ باور لرم او حاضر یم چې ستاسو په وړاندیز عملي کار وکړم."

محمد بشیر یوسفزوی

طالب نه په خپل واک کې دی او نه هم په خپل اختیار، څومره چې موږ او افغان ولس له جګړې ستړی دی، له دې زیات وسله وال طالبان له جګړې ستړي او پښېمانه دي. وسله وال طالبان ښه پوهېږي چې په غلطه او ناحقه روان دي، مګر د دې باوجود هم په جګړه ټینګار کوي، ځکه چې د دوی مشران د پاکستان له لوري ګرو شوي، له دوی څخه واک او اختیار اخیستل شوی او دوی یوازې او یوازې د هیواد بربادۍ، د خلکو وژلو، ترور او وحشت ته ګومارل شوي دي.