وروستي مطالب

فرهمند: تمه ده چې د حکومت او دوستم مذاکرات نتیجه ورکړي

شنبه, 23 سرطان 1397 13:26

که څه هم د افغان حکومت او جنرال دوستم ترمنځ مذاکرات دوام لري او چارواکي د دواړو خواو ترمنځ په خبرو کې د پرمختګونو خبر ورکوي، خو د جبنش اسلامي ګوند پلویانو د اعتراضونو په دوام کې نن د تخار د والي دفتر هم وتړه.

د افغان حکومت او د جمهوري ریاست د لومړي مرستیال جنرال عبدالرشید دوستم ترمنځ مذاکرات په ترکیه کې دوام لري.

د جمهوري ریاست د لومړي مرستیال د دفتر رئیس عنایت‌الله بابر فرهمند امریکا غږ – آشنا ته وویل، تمه ده چې نن دواړه خواوې توافق ته ورسیږي

بلوچستان چاودنه: د کاندید په ګډون ۸۵ کسان وژل شوي

جمعه, 22 سرطان 1397 18:37

د بلوچستان صوبې چارواکي وايي،د مستونګ سیمې په یوه ټاکنیز لاریون کې د چاودنې پایله کې لږ تر لږه ۸۵ کسان وژل شوي او نژدې ۱۵۰ نور ټپیان دي.

ځايي چارواکي وايي، بمي چاودونه د نوابزاده سراج ریساني پر ټاکنیز کمپاین غونډه شوې، چې د بلوچستان عوامي ګوند له لوري ټاکنو کې کاندید و او دغه پېښه کې وژل شوی دی.

د بلوچستان روغتیا موقت ایالتي وزیر فیض کاکړ بي بي سي ته وویل، پېښه کې د یو شمېر ټپي شویو کسانو روغتیايي حالت اندېښمنونکی دی

نواز شریف پاکستان ته له ستنېدو وروسته نیول شوی

جمعه, 22 سرطان 1397 18:24

د پاکستان پخوانی لومړی وزیر محمد نواز شریف له برتانیا خپل هېواد ته له ستنېدو وروسته د فساد په تور نیول شوی دی. د نواز شریف لېږدونکې الوتکه ماښام مهال د لاهور پر علامه اقبال هوايي ډګر کوزه شوه او نوموړی له خپلې لور مریم نواز سره یو ځای له الوتکې کوزېدو وروسته ونیول شول.

د ځايي رسنیو رپوټونو کې ویل شوي، چې ښاغلی شریف او لور یې یوې کوچنۍ الوتکې ته ولېږدول شول، چې ګومان کېږي پلازمېنې اسلام اباد ته به یې ورسوي

غني: که مې څوک دوست ګڼي یا دوښمن، خو قانون پلی کوم

جمعه, 22 سرطان 1397 18:22

افغان ولسمشر محمد اشرف غني یو ځل بیا ویلي، په هېواد کې به د قانون د واکمنۍ لپاره د ناقانونه ډلو او زورواکو پر وړاندې جدي وي.

ښاغلي غني دا خبره تېره ورځ د جولای ۱۲مه په بروکسل کې د ناټو غونډې په څنډه کې د افغانستان په شمال کې د ملېشو د یوه قومندان نظام الدین قیصاري د نیول کېدو په اعتراض کې د مظاهرو په اړه د بي بي سي د یوې پوښتنې په ځواب کې وکړه.

ښاغلي غني وویل، زه راتلونکي نسل ته د کار کولو هوډ لرم، فکر کوم هغه افغانان چې له ناعادلانه چلند سره مخامخ شوي، د داسې افغانستان غوښتونکي دي چې هیڅ وګړی یې له قانون څخه پورته نه وي

"جنرال دوستم ژر افغانستان ته ستنېږي"

پنجشنبه, 21 سرطان 1397 15:17

افغان دولت کې معتبرو سرچينو بي بي سي ته منلې چې ټاکل شوې د راتلونکې اونۍ په دوشنبې د افغانستان د ولسمشر محمد اشرف غني لومړی مرستیال جنرال عبدالرشيد دوستم له ترکیې نه افغانستان ته ستون شي.

افغانستان ته د ښاغلي دوستم د ستنېدو هوکړه د ولسمشر له دویم مرستیال سرور دانش سره په کتنه کې شوې. ددغې سرچینې په وینا، د دوستم د ستنېدو نهايي هوکړه د دواړو خوا ترمنځ لاسلیک شوې ده، خو تر اوسه د هوکړې نور جزییات نه دي په ډاګه شوي

له افغانستانه ایران ته د ډالرو قاچاق

دوشنبه, 18 سرطان 1397 17:05

د افغانستان بانک وايي، له دغه هېواده ایران ته د امريکايي ډالرو قاچاق د افغانستان پر اقتصاد ناوړه اغېز کړی او د افغانۍ بيه په بې ساري ډول لوېدلې ده.

د ځینو رپوټونو له مخې له کابل او د افغانستان له ځينو لوېدِيځو ولایتونو هره ورځ درې مېليون ډالر ایران ته قاچاق کېږي. له ایران سره د امريکا د اټومي تړون له لغو کېدو وروسته ایران له مالي ستونزو سره مخامخ دی او هلته بهرنیو پېسو ته اړتیا ډېره شوې

پومپیو: افغانان د سولې د خبرو مشري کوي

دوشنبه, 18 سرطان 1397 16:26

د امریکا د بهرنیو چارو وزیر مایک پومپیو ویلي، د وسله والو مخالفینو سره د هر ډول خبرو مشري به افغانان پخپله کوي.

ښاغلي پومپیو دا څرګندونې د دوشنبې پر ورځ کابل ته د خپل نا اعلان شوي سفر پر وخت، له افغان ولسمشر محمد اشرف غني سره په یوه ګډ خبري کانفرانس کې وکړې.

نوموړي وویل، طالبان باید پر دې خبره پوه شي چې دوی د جګړې له لارې په افغانستان کې نشي بریالي کېدلی

د دوستم د دفتر مشر: د ډزو ځواب به په ډزو ورکړو

یکشنبه, 17 سرطان 1397 18:02

د ولسمشر محمد اشرف غني د لمړي مرستیال، عبدالرشید دوستم، د دفتر مشر، عنایت الله فرهمند، د پنجشنبې په ورځ خبرداری ورکړ چې جنبش-پلوي مظاهره کوونکي به د حکومتي ځواکونو ډزو ته باالمثله ځواب ورکړي.

ښاغلي فرهمند امریکا غږ ته وویل "حکومت د خلکو د غوښتنو په وړاندې بې ځوابه پاتي شوی او بې تفاوته دی او دا خلک پراخو او جدي اعتراضونو ته هڅوي. که دا ځلې حکومت د خلکو په وړاندې له وسلې کار واخلي او ډزې وکړي، بیا دې د ورته عمل انتظار ولري