سید عبیدالله نادر  
زما کجــــکول له نعمــتونـــــــو ډک دی
د لوړ احســاس او خــــیالونــــو ډک دی
پراته درســـونه د علم وفــن دي په کښی
زمـا کجــکول هم له شــعرونـــو ډک دی
که څــوک هم ټــکي د عــبرت لـــــټوي 
زما کجـــــــکول له عـبرتــــونو ډک دی
هرې مصری کښی می د مینې درس دی
زما کجــــکول له پیغامـــونـــــو ډک دی
که څـــوک احساس د درد ویـــنا لـــټوي
زما کجـــکول هم، له دردونـــو ډک دی
په کښي نظر د لوی ارواحــــو ښـکاري
زما کجـــکول، له حکمــتونــــو ډک دی
زمــا کجــــکول دی آئـــــینه د ســـکندر
همیش له ښـــکلو،تصــویرونــو ډک دی
په کښي لیده شي د حــــا لاتـو تصـــویر
زما کجــــکول له رحـمــتونـــو ډک دی
د معـــنویـــت هم، ښـــکلا ګاني لــــري
زما کجــــکول، له منظـرونـــو ډک دی