ښه په ډاګه برالا یې دي وژلي
شبکو د آی اس ای ټول دي وژلي
ترهګرۍ او جنایت کې دي بې ساري
څوک په بم څوک په زندان یې دي وژلي
نه یې رحم په شاعر نه په ملا شي
چا ته بم په جومات چاته په لار ږدي
څوک په توپ او څوک په ټانک یې دي وژلي
چا چې غږ د عدالت په ژبه راوړ
بیا یې سم د دار په سر یې دي وژلي
چې د پوهې او د علم غوښتنه وکړي
ټاپه دارو خاینانو دي وژلي
که یې پورته په ممبر د حق آواز کړ
په جومات کې توپکیانو دي وژلي
نه یې جرم نه خیانت کړی په ژوند کې
بس د ښه ژوند په ارمان یې دي وژلي
له قصابه به څه هیله ته د رحم کړې
څوک یې سهار او څوک ماښام یې دي وژلي
چې تل ستا له نا پوهۍ نه ګټه اخلي
پښتانه یې ښه اسانه دي وژلي
پنجابي غدار د مکر جالونه خپور دي
د خپلواک ژوندون ارمان یې دي وژلي
د نفاق دانې تل شیندي اولسو کې
پښتانه بلوڅ ارزانه دي وژلي
څو زنځیر د استعمار له پښو مات نه کړې
هم پرون او نن ځوانان یې دي وژلي
د وحشت له دوره هله را وتی شئ
د آزاد ژوند دښمنان چا دي وژلي
