آيا يوازيتوب تر وخت مخکي مړيني سبب کيدای شي؟

د يوازيوالي يا له ټولنې څخه جلا پاتې کيدل، د تر وخت مخکي مړيني د ځانگړو ناروغيو سره تړاو لري. دا موضوع په چين کې د يو څېړنیز ټيم له څېړنو او ارزونو جوته شوي ده.

د «سي ان ان» د معلوماتو له مخې څېړونکي د انسان په بدن کې د سترس هورمون کورتيزول د ترشح له کبله د مړيني خطر ډيريدل يوازي توب گڼي.

د یوازیتوب یا ټولنیز انزوا تجربه کول د ځینو ناروغیو په سبب او تر وخت مخکي مړینې خطر سره تړاو لري. دا موضوع په چین کې یوې څیړونکې ډلې تائید کړې ده.

د «سي ان ان »په وینا، څیړونکي په دې باور دي چې د فشار هورمون کورتیزول د خوشې کیدو، يا ترشح زیاتوالی د یوازیتوب له امله تر وخت مخکې مړینې د خطر د زیاتوالي لامل دی. دا هورمون چې د بدن پر دندو اوږد مهاله منفي اغیزه لري.

د هاربین طبي پوهنتون یوه څېړنیز ټیم له بيلا بيلو هیوادونو څخه ۹۰  څېړينې ارزولي چې په ټولیز ډول تر ۲،۲ ميلیونه زیاتو کسانو پکې برخه اخیستې وه. په څېړنو کې له شپږو میاشتو څخه نيولې تر ۲۵ کلنۍ پورې کسان تر څارنې او ارزونې لاندې نيول شوي.

پایلو وښودله چې هغه خلک چې ټولنیز يوازيتوب یا انزوا تجربه کوي او هغه خلک چې په ټولنیز ډول جلا شوي نه وو، د هغوی په پرتله د هرې ناروغۍ له امله له وخت څخه مخکې د مړینې احتمال يې ۳۲ سلنه ډېر و. همدارنګه هغه ګډونوال چې د یوازیتوب احساس کوي د نورو په پرتله تر وخت مخکې مړینې احتمال يې ۱۴ سلنه ډیر و.

د څېړونکو په وینا، موږ ټول وخت په وخت د یوازیتوب احساس کوو، خو کله چې دا د يوازيتوب احساس دایمي وي، دا بیا کولی شي د اوږدمهاله فشار په توګه عمل وکړي چې دا غیر صحي دی. ځکه چې دا د فشار هورمونونو کچه لوړوي او په بدن کې سوزش زیاتوي.

د څېړنې لیکوالانو د زړه ناروغۍ یا د سینې یا کولوریکټال سرطان سره د خلکو ترمنځ د یوازیتوب، ټولنیزي انزوا او مړینې ترمینځ اړیکې هم لیدلي دي.

له دې کبله د هغو خلکو د ژر مړینې احتمال چې له ټولنیز پلوه جلا شوي او د زړه ناروغۍ یا د سینې سرطان لري د دې ناروغیو پرته د نورو خلکو په پرتله يې شمیر ډیر و.

څېړونکي ټینګار کوي، هغه خلک چې له ټولنیز پلوه جلا یا یوازېتوب احساس کوي، غیر صحي عادتونه لري: لکه سګرټ سکول، الکول څښل، کمزوری رژیم «یا لږ تمرین»، کوم چې د ناروغۍ او ژر مړینې مهم لامل دی. دا څېړنه د فطرت انساني چلند په ژورنال کې خپره شوې ده.