محمد روښان ښاد

په وروستیو میاشتو کې په هېواد کې د سولې د ملاتړ ولسي حرکتونه او ملاتړ زیات شوی. د هلمند د ځوانانو د سولې کاروان له اوه سوه کیلو متره پلي مزله وروسته د سولې په پار پلازمېنې کابل ته راغی. د هرات مېرمنود سولې د پراخ حرکت په بڼه د خلکو ملاتړ له ځانه سره درلود. همدارنګه یو شمېر افغان کډوالو له پاکستان څخه د سولې له شعار سره د تورخم له لارې کابل ته راغلل. ترڅنګ یې په لوګر او د هېواد په نورو بېلابېلو سیمو کې د سولې لپاره غږ پورته او عملي اقدامات ترسره شول

محمد بشیر یوسفزوی

زورواکان که هر قوم او سیمې ته منسوب وي هغوی د طالب، داعش او نورو ترهګرو ډلو په څېر د هېواد او خلکو دښمنان دي او ښایي چې له هغوی سره  د دښمن او مجرم په څېر چلند وشي او د امنیتي او دفاعي ځواکونو له لوري له نیول کېدو وروسته عدلي او قضایي ارګانونو ته وسپارل شي

محمدروښان ښاد

د جګړې په کلونو کې چې په افغانستان کې ثبات او امنیت له منځه تللی، نو نظام هم ورسره ړنګ شوی او لا تر دې مهاله خلک د امنیت او ثبات د نشتوالي او د نظام د کمزورۍ له امله له بېلابېلو ستونزو څخه کړېږي.

افغانستان ته د امریکا متحدو ایالتونو او د هغوی د متحدینو له راتګ وروسته افغانان دې ته هیله من و چې د دوی له راتګ سره به افغانستان بېرته د ثبات کلونو ته ور وګرځي، د جنګ ټغر به ټول شي، افغانستان به د قوي او مرکزي نظام خاوند شي او

محمد روښان ښاد

د کوچني اختر په څلورمه ورځ ولسمشر غني د ارګ له کلا څخه راووت او د حضوري چمن سیمې ته له هلمند څخه کابل ته د سولې له پیغام سره راغلي کاروان او ځوانانو هرکلي ته ورغی، ځکه د دغه کاروان د غړو شرط ولسمشر ته همدا وو چې په ارګ کې درسره نه ګورو، له ارګه به راوځې او د عمومي واټ پر غاړه به راسره کېنې

ګلرحمن رحماني

کله چی په کابل کې د ټول هیواد زرګونه دیني عالمانو په افغانستان کې د روان جنګ د نامشروعیت او مطلق حراموالي په اړه فتوا صادره کړه په هغه کې یې له افغان حکومت او طالبانو نه د اوربند او د سولی د خبرو زمینې برابرولو غوښتنه وکړه.

د هېواد دیني علماو او د دوی فتوا ته په درناوي افغان ولسمشر د حکومت په استازیتوب له ارګ نه د یو ویدیویي کنفرانس له لارې طالبانو سره د روژې مبارکې میاشتې له ۲۷ څخه د نېکمرغه کوچنی اختر تر ۵ نیټې پورې اوربند اعلان کړ. طالبانو هم رسنیو ته په استول شوی پیغام پاڼه کې د کوچني اختر لمړۍ ، دویمه او دریمه ورځ اوربند اعلان کړ او له ټولو طالبانو یې وغوښتل چې اوربند مراعت کړي

اېمل پیاوړی

ولسمشر محمد اشرف غني د ولسمشرۍ د ټاکنیزو کمپاینونو پرمهال له هغو مهمو ژمنو څخه چې له ولس سره یې کړې وې یوه هم د سولې تامین او د جنګ ختمول و، ځکه چې جنګ د ده حکومت ته له تېر حکومت څخه په میراث ور پاتې شو او نوموړي د دغه بد میراث د ختمولو لپاره پراخې او صادقانه هلې ځلې وکړې

ژباړه او لنډیز: محمدروښان ښاد

افغانستان هغه هېواد دی چې کلونو راهیسې د جنګ په اور کې سوځي او له دوه لسیزو زیات دا مظلوم هېواد قرباني ورکوي. هغه هېواد چې څو هېوادونه یې د انګلیس او پخواني شوروي له ولکې ازاد کړل، مګر په خپله د ترهګرۍ او افراطیت پدیدې څخه ځورېږي

ژباړه او لنډیز: اېمل پیاوړی

جنګ په تېرو څلورو لسیزو کې زموږ خلکو ته درانه زیانونه اړولي او لا هم د جنګ ادامه هره ورځ د هېواد بېلابېلې برخې او خلک زیانمنوي. جمهور رئیس غني په ننګرهار کې وویل چې د افغانستان جنګ یې حکومت ته په میراث ورپاتې دی او د حل لپاره یې د افغانستان په داخل او بهر کې کوښښونه کوي.

ګلرحمن رحماني

د تېرې چهارشنبې په ورځ د مالي چارو لپاره کاري ډلې یا (ایف . اې . ټي . ایف) سازمان په پلازمینه پاریس کی د یوې اوونی ناستې وروسته پاکستان د ترهګرۍ د تمویلونکو هیوادونو په خړ لیست کی شامل کړ. یو ځل مخکې هم پاکستان له ۲۰۱۲م کال نه تر ۲۰۱۵م کال پورې د دې سازمان په خړ لیست کې شامل کړی شوی و چی د ښې کارګردګۍ له امله له دې لیست څخه بېرته وایستل شو

ژباړه او لنډیز: محمدبشیر یوسفزوی

په جنګ کې ښکېلو هېوادونو کې له جنګ وروسته د غیر مسوولو وسلوالو شتون د قانون د حاکمیت پر وړاندې یوه جدي ستونزه ده. افغانستان هم یو له هغو هېوادونو څخه دی چې څلور لسیزې جنګ او ستونزې یې شاته پريښې دي.

د تېر جنګ له وخته د ځینو افرادو او ډلو نه بې وسلې کول، د تروریستي ډلو وده او پراختیا او په وروستیو شپاړس کالو کې او د ځینو زورواکانو له لوري د خپلسرو ډلو ایجاد په افغانستان کې د دغو ډلو د راتګ عوامل دي. د دغو ډلو په جوړولو کې یو شمېر دولتي او غیر دولتي زورواکان هم رول لري