پسرلی راشي چې گودر ته ورشم
هر مازدیگر بیا زیړی لمر ته ورشم
دچنار لاندې د چینې په خوا کې
د گلاب گل سره دلبر ته ورشم
زلمی نصرت
۱۹.۰۳.۲۰۲۴
پسرلی او زیړی لمر
د فرخندې د وژلو او سوزولو د ٩ ام تلين د غمجمن یاد او درناوي په پار.
انجنیر زلمی نصرت
۱۹.۰۳.۲۰۲۴
ټپیزه
پر فرخندې باندې وارونه
پر سپين بدن یې پرهارونه
مات يې له پښو سره لاسونه
د اور لمبو نه یې آهونه
پر حاکمانو د وخت وایې لعنتونه
ژوند
ژوند ها ګل دی چې په مینه پالل کېږي
څوک خبر چې ژوند به کله تمامېږي
هرشیبه او هره ورځ ژوندون په کار دی
کوه لوبې او ګلانو سره مینه
بې له مینې تازه ګل هم مړاوی کېږي
ژوند هغه دی چې نېکمرغه ځان احساس کړې
غوراوی کوه چې چارې پرې سمېږي
تل به ښه یې که دې مینې ته خپل پام کړ
سړی تل په سمې لاره کې ځلېږې
