وروستي مطالب

له داعش سره شپږ یوځای کېدونکي نیول شوي

سه‌شنبه, 09 جوزا 1396 17:20

افغانستان کې د داعش ډلې د پخواني مشر حافظ سعید تر وژل کېدو وروسته عبدالحسیب د ده ځای ناستی و.
د افغانستان ختیځ ننګرهار ولایت د رسنیو دفتر وايي، د یوه ایراني او درو پاکستانیانو په ګډون یې هغه شپږ کسان نیولي، چې غوښتل یې له اورپکې ''اسلامي دولت'' (داعش) ډلې سره یوځای شي.
سرچینې پر فیسبوک د نیول شویو کسانو یوه وېډیو هم خپره کړې چې وايي، پاکستان کې د عبدالرحمن په نوم یوه کس یې افغانستان ته د تللو لارې چارې سمبالولې.
یو نیول شوی وايي، کله چې افغانستان ته راغی او دلته یې پخپلو سترګو د افغانستان وضعیت ولید، پر خپلو کړنو پښېمانه شو.
دی وايي، ځینو خلکو چې ورته وویل، داعش ډله له عامو خلکو سره تر خپلې وسې زورزیاتی کوي، نو دوی هم هوډ وکړ چې له دغې ډلې سره یوځای نه شي.

یوناما د حکمتیار د محاکمه کولو عریضه ترلاسه کړې

پنجشنبه, 04 جوزا 1396 20:48

په کابل کې د ملګرو ملتونو مرستندویه ادارې (یوناما) ویلي چې د حزب اسلامي د مشر ګلبدین حکمتیار په خلاف یې عریضه ترلاسه کړې ده. پدغه عریضه کې له یوناما غوښتل شوي چې ښاغلی حکمتیار دې د پخوانیو جرایمو له کبله محاکمې او عدالت ته ودرول شي.

یوناما ندي ویلي چې دغه عریضه چا ورته ورکړې او څومره کسانو پکښې لاسلیک کړی دی.

د یوناما مشر چې د افغانستان لپاره د ملګرو ملتونو د عمومي منشي استازی هم دی ویلي هغه افغانان چې د تیرو زور زیاتیو قرباني شوي، باید د قضايي جبران له حق نه بې برخې نشي. تادامیچي یماماتو ویلي "ملګري ملتونه به سولې، عدالت او امنیت

د افغانستان او پاکستان تر منځ د سیاسي اړیکو تاوتریخوالي اساسي علتونه څه دي؟

چهارشنبه, 03 جوزا 1396 20:00


څیړنکاران واي چې د پاکستان او افغانستان ترمنځ د خرابو اړیکو عمومي علتونه دا دي چې د پاکستان په افغانستان کښې خپل د خوښې حکومت جوړولو، د ډیورنډ لانجمنه کرښه، او د پاکستان په خاوره حقاني ډلې ته ځای ورکول دي. پاکستان هغه مهال د افغانستان سره سیاسي اړیکې ښې وې کله چې افغانستان کښې د پاکستان په خوښه حکومت وو کله چې د پاکستان حکومت په پیښور کښې د مجاهدینو موقت حکومت په کال ۱۹۹۲ کښې جوړ کړو او د ښاغلي ډاکټر نجیب الله حکومت ونړیدو. د پاکستان حکومت د مجاهدینو او همداشان په کال ۱۹۹۶ کښې د طالبانو د رژیم سره خورا ډیرې مرستې وکړې.

ملګري ملتونه: سي پیک ښايي د هند او پاکستان ترمنځ ستونزې نورې هم زیاتې کړي

چهارشنبه, 03 جوزا 1396 19:49


ملگرو ملتونو ویره ښودې چې د چین نه پاکستان ته اقتصادي لاره (سي پیک) کیدی شي د هند او پاکستان ترمنځ سیمه ایزه او سیاسي شخړه نوره هم زیاته کړي.

د ملګروملتونوا په یو خپور شوي رپورټ کې دا اندیښنه هم ښودل شوې چې په افغانستان کې سیاسي بې ثباتي هم د یادې پروژې ګټې د کابل او کندهار د ښارونو پورې محدودوي ځکه د افغانستان په جنوب او ختیځ کې طالبان فعالیت کوي. رپورټ زیاتوي د کشمیر پر سر د هند او پاکستان لانجه د اندېښنې وړ ده.

د ملگرو ملتونو دغه رپورټ د چین په خواست تیار کړل شوی دی او سر خط يي دی یوه پټۍ –یوسړک (ون بیلټ اینډ ون روډ انیشیټیو).

راپور دا هم وايي چې د پاکستان او هند ترمنځ د کشمیر لانجه هم د سي پیک په وړاندې ننګونې جوړوي.

د افغانستان د پوځي روغتون لوړپوړي مقامات په حبس محکوم شول

چهارشنبه, 03 جوزا 1396 19:35

د افغانستان د ملي دفاع د وزارت د ویاند دفتر د یوې اعلامیې په خپرولو سره ویلي دي چې عسکري ابتدائیه مرکزي محکمې د ستر درستیز د صحیه قوماندان تورنجنرال عبدالرزاق سیاوش او د اردو د صحیه قوماندانۍ د ارکان حرب رئیس بریدجنرال عبدالسلام نجرابي، هر یو په یو یو کال حبس محکوم کړي دي چې ددې اعلامیې په بنسټ کولای شي د خپل حبس موده په وظیفه کې تیره کړي.

د داعش د ډلې پورې مربوطو وسله والو د تیر کال د حوت په میاشت کې د سردار محمد داود خان پر روغتون باندې حمله وکړه چې د ملي دفاع وزارت په وینا په کې ۴٩ کسان ووژل شول. په وژل شویو کسانو کې ډاکتران، نرسان، د روغتون کارکوونکي او ناروغان شامل وو او په پیښه کې ٦۳ تنه نور ټپیان شول.

د افغانستان لپاره د ټرمپ دوه انتخابه: سیاسي که پوځي؟

چهارشنبه, 03 جوزا 1396 19:24


د امریکا د متحده ایالاتو پوځي او سیاسي مشران افغانستان ته د نورو قواو د استولو په هکله یو نظر نه دي، خو جمهور رئیس باید تصمیم ونیسي.

په داسې حال کې چې د امریکا لوړپوړي پوځیان افغانستان ته د ٣٠٠٠ نه تر ٥٠٠٠ پورې نورو امریکایي سرتیرو د استولو په اړه د نظر یووالی لري، د جمهور رئیس دونالد ټرمپ یو شمیر سلاکاران او د امریکا د کانگرس یو شمیر غړي وایي امریکا نه ښایي چې په جگړه کې خپله بوختیا پراخه کړي.

د نیویارک ټایمز ورځپاڼې د رپوټ په بنسټ دغه خبره ښایي د افغانستان لپاره د ټرمپ د حکومت د ستراتیژۍ د اعلان د ځنډ سبب شوې وي.

اوس مهال د امریکا د ٨۴٠٠ سرتیرو په گډون د ناټو ۱۳۰۰۰ قواوی په افغانستان مې میشت او د افغان امنیتي او دفاعي قواو په روزنه او مشورو بوخت دي. د امریکا متحده ایالات په افغانستان کې د میاشتې ٣،١ میلیارد ډالر لگښت لري.

له دې سره سره، په افغانستان د امریکایي قواو عمومي قوماندان ویلي دي چې جگړه په دې هیواد کې له بن بست سره مخامخ شوې ده او ددې حالت نه د وتلو لپاره لږ تر لږه پمځو زرو نورو امریکایي سرتیرو ته اړتیا ده.

ترمپ در بودجه ۲۰۱۸، ۵ میلیارد دالر به نیروهای افغان پیشنهاد کرده‌است

چهارشنبه, 03 جوزا 1396 19:08

دونالد ترمپ رئیس جمهور امریکا در طرح بودجه سال مالی ۲۰۱۸ ایالات متحده، نزدیک به ۵ ملیارد دالر برای تقویت نیروهای امنیتی افغانستان پیشنهاد کرده‌است.

این مبلغ حدود نیم میلیون دالر بیشتر از سال جاری میلادی است.

امریکا در سال ۲۰۱۷، ۴.۴۶ میلیارد دالر و در سال ۲۰۱۶، ۳.۶ ملیارد دالر برای تقویت قوای امنیتی افغان اختصاص داده بود.

۴۶ میلیارد دالر از بودجه سال مالی ۲۰۱۸ امریکا به عملیات نظامیان امریکایی در افغانستان اختصاص داده شده‌است.

این مقدار پول با در نظر داشت تعداد فعلی نیروهای امریکایی در افغانستان سنجیده شده‌است.

اکنون ۸۴۰۰ سرباز امریکایی در افغانستان حضور دارند.

در برخی از گزارش‌ها گفته شده‌است که اداره ترمپ در نظر دارد که سه هزار تا پنج هزار عسکر تازه نفس به افغانستان اعزام کند.

در طرح بودجۀ پیشنهادی رئیس جمهور ترمپ ۶۵ میلیارد دالر برای مصارف نظامی خارج از امریکا اختصاص یافته‌است.

د خطر کچې لوړېدو اعلان سره لندن کې پوځیان ځای پر ځای شوي

چهارشنبه, 03 جوزا 1396 19:03


برتانوي پوځیان له پولیسو سره یو ځای د امنیت ساتلو پر دنده ګومارل شوي
د امنیتي خطر کچې له لوړولو سره برتانوي چارواکو د دغه هېواد پلازمېنه لندن کې پولیس ځای پر ځای کړي دي.
بل لور ته د هېواد پارلمان، لومړۍ وزیرې دفتر او یو شمېر نورو مهمو دولتي ودانیو شاوخوا کې د امنیتي ځواکونو سرتېري ځای پر ځای شوي دي.
دا د امنیتي ځواکونو لومړنۍ زر کسیزه ډله ده، چې د خطر کچې لوړولو له اعلانه وروسته د امنیت خونیدیتوب لپاره پر دنده ګومارل کېږي.