وروستي مطالب

داعش د بریتانیا د مانچستر ښار د حملې مسؤلیت ومانه

سه‌شنبه, 02 جوزا 1396 16:03

د بریتانیا په مانچستر ښار کې په یو کنسرت کې د چاودنې مسؤلیت د داعش ډلې په غاړه اخیستی او ویلي یې دي چې دا برید په کنسرت کې د ځای پر ځای شویو چاودیدونکو توکیو په وسیله شوی دی.

د مانچستر په برید کې د څو ماشومانو په گډون ٢٢ تنه وژل شوي او شاوخوا ٥٩ تنه نور ژوبل شوي دي.

د بریتانیا پولیسو ویلي دي چې دا چاودنه د امریکا د پاپ مشهورې سندرغاړې "آریانا گراندیي" د کنسرت په پای کې شوې ده.

د بریتانیا صدراعظمې تریسا می، د پیښې د قربانیانو او کورنیو سره غمشریکي کړې او دغه پیښه یې "یوه خطرناکه ترهگریزه حمله" گڼلې ده.

د جمعیت اسلامي په پراخ بدلون کې د عبدالله نوم نه شته

سه‌شنبه, 02 جوزا 1396 15:59

جمعیت اسلامي د افغانستان په اوسني حکومت کې یو شمېر وزارتونه او څو مهمې ادارې په خپله برخه کې لري
د افغانستان جمعیت اسلامي ګوند په رهبرۍ کې د بې اتفاقۍ له ګونګوسو وروسته دغه ګوند د مشرتابه شورا د ۶۴ غړیو نومونه اعلان کړي.
په دغه لست کې د دوو پخوانیو مخکښو غړیو عبدالله عبدالله او امرالله صالح نومونه نه شته.
د جمعیت ګوند مشرتابه غړی محمد نسیم فقیري بي بي سي ته وویل، د افغان حکومت اجرائیه مشر عبدالله عبدالله نور له دوی سره رسمي غړيتوب نه لري:

حسن روحانی: مردم به پایین آمدن سپاه و بسیج نه گفتند

دوشنبه, 01 جوزا 1396 20:06

اولین نشست خبری حسن روحانی
حسن روحانی، رئیس جمهور ایران در اولین نشست خبری خود بعد از انتخاب مجدد از "فریبکاری و تخریب" در جریان مبارزات انتخاباتی انتقاد کرد و گفت که "دروغگویی در این انتخابات کاری از پیش نبرد".
آقای روحانی گفت مردم به نیروهای مسلح علاقه دارند "اما نمی‌پذیرند که یک نهاد ملی یا به معنایی فراملی به نهادی فروملی و جناحی تبدیل شود".
او گفت مردم ایران به "پایین آمدن مقام رهبری، سپاه، بسیج و نیروهای مسلح نه گفتند؛ چرا که این‌ها به کل ملت ایران تعلق دارند".

ولسمشر ټرمپ او غني په لومړي ځل سره کتلي

دوشنبه, 01 جوزا 1396 19:55


ښاغلي ټرمپ همداراز د افغانستان امنیتي ځواکونه زړور بللي چې د خپل هېواد د امنیت ساتلو لپاره سخته مبارزه کوي.
د امریکا ولسمشر ډونلډ ټرمپ په سعودي عربستان کې د اسلامي هېوادونو او امریکا د ګډې ناستې په څنډه کې د افغانستان له ولسمشر محمد اشرف غني سره کتلي دي.
دواړو ولسمشرانو د افغانستان پر امنیت او په دغه هېواد کې د ترهګرۍ ضد جګړې په تړاو خبرې کړې دي.
سپینې ماڼۍ په خبرپاڼه کې ویلي، ښاغلي ټرمپ په دغه لنډه کتنه کې افغانستان کې د ترهګرۍ پروړاندې جګړې رهبرۍ او د په حکومتولۍ کې د کلیدي اصلاحاتو راوستو له امله ښاغلی غني ستایلی.

ټرمپ اسراييلو کې د ایران د اټومي ګواښ خبرداری ورکړ

دوشنبه, 01 جوزا 1396 19:46

د اسراییلو ولسمشر رېولن خپل استوګنځي کې د ولسمشر ټرمپ هرکلی وکړ.
د امریکا د متحده ایالتونو ولسمشر ډونلد ټرمپ اسراییل ته د خپل سفر په لومړیو ساعتونو کې خبرداری ورکړ اټومي وسلې ته د ایران لاسرسی یو ګواښ دی.
ښاغلي ټرمپ خبریالانو ته وویل:" ایران ته هېڅکله باید اجازه ورنه کړل شي چې اټومي وسله ترلاسه کړي."
ولسمشر ټرمپ وروسته له هغه اسراییل ته ورغی چې په سیمه کې تر ټولو مهم متحد، سعودي عربستان ته ولاړ او هلته یې د عربي هېوادونو مشرانو ته وینا وکړه.

د سپینې ماڼۍ په حواله د ټرمپ د وینا ځینې برخې!

یکشنبه, 31 ثور 1396 15:06


د امریکا د متحده ایالاتو ولسمشر ډونالد ټرمپ به په ریاض کې د اسلامي هېوادونو مشرانو ته په وینا کې د اسلامي سخت دریځۍ په وړاندې د مبارزې غوښتنه وکړي.

په دې غونډه کې به چې د اسلامي هېوادونو له پنځوسو زیاتو مشرانو ګډون کړی، د اسلامي دولت ډلې یا داعش او نورو سخت دریځو ډلو په وړاندې د مبارزې پرل ارو چارو خبرې وشي.

دغې غونډې ته د ولسمشر ټرمپ وینا د هغه د بهرني سفر یوه مهمه برخه بلل کېږي.

د دغې وینا ځینې برخې له مخکې سپینې ماڼۍ خپرې کړي چې له مخې به‌یې ټرمپ د ترهګرۍ په وړاندې جګړه د خیر او شر تر منځ جګړه یاده کړي نه د مدنیتونو تر منځ جګړه.

د جرمني پارلمان د مهاجرو ایستل اسانه کړل

جمعه, 29 ثور 1396 20:39

د جرمني پارلمان یو لړ نوي اقدامات تصویب کړي چې له مخې یې هغه پناه غوښتونکي په اسانه توگه له هیواد نه ایستل کیدای شي چې د پناه غوښتنې درخواستونه یې رد شوي وي.

هغه قانون چې د پنجشنبې په شپه ناوخته د جرمني پارلمان تصویب کړ ددغه هیواد د مهاجرت ادارې ته اجازه ورکوي چې د هغو پناه غوښتونکو او مهاجرو موبایل تلیفونونه وپلټي چې پرته له کومو اسنادو جرمني ته تللي دي.

همداشان د جرمني د مهاجرت اداره اجازه لري چې د هغو پناه غوښتونکو د موبایل تلیفونونو معلومات د جرمني د نورو ادارو سره شریک کړي چې خطرناک گڼل کیږي.

جمهور رئیس غني د ریاض په کنفرانس کې گډون کوي

جمعه, 29 ثور 1396 20:30

ټاکل شوې چې د افغانستان جمهور رئیس محمد اشرف غني د سعودي عربستان د پایتخت ریاض په غونډه کې گډون وکړي چې اصلي هدف یې د سخت دریزۍ او ترهگرو ډلو پر ضد مبارزه ده.

د افغانستان د حکومت یوې منبع د نوم د نه ذکر کولو په شرط د ازادۍ رادیو ته ویلي دي، ښاغلی غني هڅه کوي چې "نړیوالو ته یو څرگند پیغام ورسوي چې ترهگري نه یواځې افغانستان ته گواښ دی بلکه هغه ټولې نړۍ ته یو خطر دی".

دا په داسې حال کې دي چې د افغانستان د مالیې وزیر اکیل حکیمي د پنجشنبې په ورځ په ریاض کې د سعودي عربستان د بهرنیو چارو له وزیر سره د سولې د پروسې په اړه چې د ریاض له خوا تمویلیږي خبرې وکړې.