وروستي مطالب

دوحې خبرې: اختلافات ختم شول، پر میکانېزم خبرې روانې دي

دوشنبه, 14 اسد 1398 19:11
 
طالبان ټینګار کوي چې د هوکړې لاسلیکېدو پر وخت دې چین او روسیه شاهدان وي
قطر کې د افغان سولې خبرو ته نږدې یوې معتبرې سرچینې بي بي سي ته منلې ده چې د طالب استازو او امریکایانو ترمنځ له افغانستانه د بهرنیو ځواکونو د وتلو، او له ترهګرو سره د طالبانو د اړیکو د پریکون پر سر اختلاف ختم شو.
سرچینه زیاتوي چې اوس دواړه خواوې د احتمالي هوکړې د پلي کولو پر میکانېزم خبرې کوي

د ټاکنو په اړه د ولسمشر غني او پخوانیو طالبانو مخالفې څرګندونې

دوشنبه, 14 اسد 1398 18:57
 
ولسمشر غني ویلي ټاکنې به په هره بیه ترسره کېږي، خو پخواني طالبان وایي سوله تر ټاکنو مهمه ده
په قطر کې د طالب او امریکايي استازو تر منځ د تازه مذاکراتو تر څنګ په کابل کې یو شمېر پخواني طالب چارواکي وایي، له سولې وړاندې باید د افغانستان ولسمشریزې ټاکنې ترسره نشي. خو افغان ولسمشر محمد اشرف غني پر وخت د ولسمشرۍ ټاکنو پر ترسره کېدو ټینګار کړی

هند تر خپلې ولکې لاندې د کشمیر "ځانګړی حیثیت" ختم کړ

دوشنبه, 14 اسد 1398 18:52
 
هندوستان د یوازیني اکثریت مسلمان ایالت کشمیر هغه ځانګړی وضعیت چې تراوسه په کې پلی و
هندوستان د یوازیني اکثریت مسلمان ایالت کشمیر هغه ځانګړی وضعیت چې تراوسه په کې پلی و، لغوه کړی دی. ۳۷۰مه ماده ځکه حساسه ده چې د مسلمان اکثریت ایالتونو لپاره د پام وړخپلواکي تضمینوي.
دا په دې مانا ده چې دغه ایالت اوس خپل ځان ته په خپله قوانین نه شي تصویبولی او د نورو ایالاتونو وګړي کولی شي په دغه ایالت کې ملکیت وپېري

کشمیر کې تاو تریخوالی، ډیلي او اسلام اباد کې بېړنۍ غونډې

یکشنبه, 13 اسد 1398 16:44
 
د هند او پاکستان تر منځ د کشمیر وېشونکې کرښې (ایل او سي) په شاوخوا کې د تاوتریخوالي له ډېرېدو وروسته پاکستاني لومړي وزیر عمران خان د خپل هېواد امنیت شورا غونډه بللې ده.
د هند پلازمېنه ډیلي کې هم د ددغه هېواد کورنیو چارو وزیر، سکرتر او د دغه هېواد ملي امنیت شورا غونډه بلل شوې ده.

خلیلزاد: د ځواکونو ایستلو نه، بلکې د سولې هوکړه غواړو

جمعه, 11 اسد 1398 22:28

 

د افغان سولې لپاره د امریکا بهرنیو چارو وزارت ځانګړي استازي زلمي خلیلزاد د قطر پلازمېنې دوحې ته له رسېدو وروسته ویلي، موږ له افغانستانه د ځواکونو ایستلو پر ځای د سولې هوکړه غواړو.

نوموړی نن جمعه( ۲ اګست) له افغان او پاکستاني مشرتابه سره له لیدنو کتنو وروسته دوحې ته ورسېد، چې تمه کېږي له طالب استازو سره د امریکايي مرکچیانو د اتم پړاو خبرو مشري وکړي. نوموړی وايي

امریکا له روسیې سره د اتومي وسلو له تړونه لاس پر سر شوه

جمعه, 11 اسد 1398 22:23

 

امریکا متحدو ایالتونو له روسیې سره له شوې د اتومي وسلو مخنیوي له هوکړې رسماً وتل اعلان کړي او دې سره د وسلو زېرمه کولو یوې نوې سیالۍ پيلېدو وېره ډېره شوې ده.

د منځني واټن اتومي ځواکونو دغه هوکړه چې د (ای این یف) په مخفف نامه یادیده، ۱۹۸۷ کال کې د امریکا هغه مهال ولسمشر رونالډ ریګن او د شوروي ولسمشر میخایل ګورباچوف لاسلیک کړې وه

امریکا له افغانستانه خپل زرګونه سرتېري ستنوي

جمعه, 11 اسد 1398 22:15

امریکا له افغانستانه خپل زرګونه سرتیري اوباسي. د دغو سرتېرو ویستل له طالبانو سره د یوې هوکړې له مخې کېږي. واشنګټن پوسټ ورځپانې د ځینو امریکايي سر چینو له قوله ویلي چې په دغه توافق کې اوربند او له القاعده شبکې سره د اړېکو پرېکول شامل دي

د افغانستان د ولسمشریزو ټاکنو لپاره د منډو ترړو لومړۍ ورځ

یکشنبه, 06 اسد 1398 17:35

افغانستان کې د ولسمشرۍ ټاکنو د کمپاین په لومړۍ ورځ درې نوماندانو- اشرف غني، عبدالله عبدالله او عنایت الله حفیظ خپلو ملاتړو ته وینا سره په رسمي ډول کمپاین پیل کړ.
اشرف غني د لویې جرګې خېمه کې خپلې ډلې(دولت جوړوونکې) ته د د کمپیان په لومړۍ وینا کې وویل، چې تېروپنځو کلونو کې یې "د زر، زور او ظلم واکمني" کمزورې کړې او له خلکو یې وغوښتل چې واک ور کړي او په دې ډول "قانون او عدالت" پلی کړي.