وروستي مطالب

افغانستان د ازبیکستان سره ترانزیتي موافقه لاس لیک کوي

سه‌شنبه, 23 جوزا 1396 21:16

د افغانستان جمهوری ریاست ویلي دي چې تر دوو میاشتو پورې به د افغانستان او ازبیکستان ترمنځ تجارتي او ترانزیتي موافقتنامه لاس لیک شي، چې د افغانستان د جمهوري ریاست په وینا افغانستان به له اروپا سره ونښلوي.

جمهور رئیس محمد اشرف غني په ارگ کې د افغان محصلینو د استازو سره په کتنه کې وویل "افغانستان په ځانگړو هیوادونو باندې له تکیه کولو وتلی او اوس د مرکزي اسیا، نه جلا کیدونکی جز شوی دی".

د افغانستان او پاکستان ترمنځ سیاسي او امنیتي ستونزې چې تل په وچه کې د پروت افغانستان پرمخ د سرحدي دروازو د تړل کیدو سره جوختې وی. د افغانستان د سوداگرۍ او صنایعو وزارت وايی د پاکستان سره اوږدمهاله ترازیتي ستونزې ددې سبب شوې چې افغانستان د نویو ترانزیتي او تجارتي لارو په لټه کې شي.

د سوداگرۍ او صنایعو وزارت ویاند مسافر قوقندي د امریکا غږ ته وویل چې د منځنۍ آسیا د هیوادونو په ځانگړې توگه د ازبیکستان له لارې تجارت د پاکستان په پرتله افغانستان ته ارزانه تمامیږي.

د افغانستان جمهور رئیس په وار وار ژمنه کړې چې افغانستان د منځنۍ اسیا په تجارتي څلور لارې بدل کړي. د سوداگرۍ وزارت ویاند ښاغلی قوقندي ددې خبرې په تائید سره وایي چې اوس افغانستان د منځنۍ اسیا له لارې د ازبیکستان، قرغزستان او

د امریکا دفاع وزیر: د افغانستان په جنګ کې بریالي نه یو

سه‌شنبه, 23 جوزا 1396 21:13


د امریکا د دفاع وزیر د سه شنبې په ورځ (جون ۱۳) د دغه هېواد کانګرس ته وویل چې د افغانستان په روان جنګ کې ګټوونکي نه یو.

وزیر جیم متیس وویل چې د افغانستان د جنګ لپاره یې نوې تګلاره جوړه کړې او د بلې میاشتې تر نیمایي پورې به یې کانګرس ته وسپاري.

اټکل دا دی چې د ښاغلي ټرمپ د نوې ستراتیژۍ له مخې به د ۳۰۰۰ او ۵۰۰۰ ترمنځ نور امریکايي سرتېري هم افغانستان ته واستول شي، چې د طالب بغاوت او نورو اورپکو په ځپلو کې له افغان ځواکونو سره مرسته وکړي.

په اصل کې د ښاغلي متیس دا څرګندونې د امریکا د پوځ د هغو لوړ پوړیو چارواکو څرګندونې تائیدوي چې د افغانستان روان جنګ "بن بست" بولي او د دغه حالت څخه د وتلو لپاره دغه هېواد ته د نویو عسکرو د استولو غوښتنه کوي.

ښاغلي متیس د امریکا د سنا د وسله والو قواو کمیټې ته وویل "مونږ په اوسني حالت کې د افغانستان د جګړې د ګټلو په حال کې نه یو او هر څومره ژر چې کېږي باید دا وضعیت سم شي".

په غونډې کې د امریکا د سنا د دفاعي خدمتونو د کمېټې مشر جان مکین د دفاع پر وزیر فشار راوړ او ورته یې وویل چې متحده ایالتونه باید په افغانستان کې د حالاتو د بدلولو لپاره ژر تر ژره " تګلاره بدله او سرچینې زیاتې" کړي.

عبدالله عبدالله د حکومتوالۍ په برخه کې د حکومت پر پاتې راتلو اعتراف وکړ

دوشنبه, 22 جوزا 1396 19:06

د درېیوو کلونو تر تېرېدو وروسته، د ملي يووالي حکومت اجرائیه رئیس دا مني چې دوی په دندو کې پاتې راغلي دي.

عبدالله عبدالله د دوشنبې په ورځ د وزیرانو شورا په ناسته کې د خلکو د امنیت د نه‌خوندیتوب او د حکومت او خلکو تر منځ د واټن رامنځ ته کېدو په تړاو وویل:

​"موږ د ملي وحدت حکومت د مشرانو په توګه په ‎دې باید اعتراف وکړو چې په دندو او خلکو ته د خدمت او هغه څه چې د افغانستان خلک‌یې وړ دي موږ ونه‌توانېدو چې ترسره‌یې کړو، موږ په حکومتوالۍ کې پاتې راغلي یو او په ټوله کې د ملي وحدت حکومت پاتې راغلی دی."

تر دې وړاندې یو شمېر سیاستوالو، سیاسي ګوندونو، مدني فعالانو او عامو خلکو د ملي وحدت حکومت له بې‌کفایتۍ سخت انتقادونه کړي دي.

د دوی په وینا د هېواد سیاسي، امنیتي او اقتصادي وضعیت او بهرنی سیاست په ناوړه وضعیت کې دي.

د افغانستان د جمیعت اسلامي ګوند، نوې ملي جبهه، د حراست او ثبات شورا او د جهادي احزابو شورا له هغو ګوندونو څخه دي چې په کراتو یې د حکومت په کړنو سخت انتقادونه کړي دي.

د شاهین قول اردو قومندان او لسګوني افسران یې په حبس محکوم شول

دوشنبه, 22 جوزا 1396 18:58

افغانستان کې یوې پوځي محکمې د افغان پوځ په لسګونو افسران او سرتېري پر شاهین قول اردو د برید په تړاو محاکمه کړل.
د دغې محکمې د پرېکړې پر بنسټ د ۲۰۹ شاهین قول اردو قومندان تورن جنرال مومند کټوازی او رییس ارکان برید جنرال عبدالروف محتاج په یو کال حبس محکوم شول.
پر شاهین قول اردو برید کې څه باندې ۱۳۵ سرتېري ووژل شول او ۶۴ نور ټپیان شول.
بریدګر د ملي اردو رېنجرو او د سرتېرو په یونیفورم کې قول اردو ته ورغلي ول، تر دوو تلاشیو تېر شوي ول خو په درېیمه کې یې تر پېژندل کېدا وروسته برید پیل کړی و. بریدګر لس کسان ول.

ښاغلی کټوازی پر قول اردو له برید وروسته تر پوښتنو ګروېږنو لاندې و.
د برید مسولیت بیا وسله والو طالبانو ومانه.
دوی پر خواله رسنیو د هغو بریدګرو یو ډله ییز انځور خپور کړ، چې د افغان پوځ جامې یې اغوستې وې او په وسلو سمبال ښکارېدل.

حکمتیار د افغانستان د ستونزو د حل لپاره یوه نوې طرحه لري

پنجشنبه, 18 جوزا 1396 20:20

د حزب اسلامي مشر ګلبدین حکمتیار وايي چې افغانستان د تصمیم نیونې یوې ملي اجماع ته اړتیا لري چې دی یې په لټه کې دی.

ګلبدین حکمتیار زیاته کړه چې د افغانستان د ستونزو د حل لپاره یوه نوې طرحه لري چې له مخې یې باید د ټولو ډلو په شمول یوه ملي اجماع جوړه شي.

ښاغلي حکمتیارد پنجشنبې په ورځ په کابل کې یوې خبري غونډې ته وویل چې دی اوسنی نظام د یوه واقعیت په توګه مني چې ناکامول یې د هېچا په ګټه نه‎دي خو د جګړو په ختمولو کې ورسره مرسته کول د ټولو کار دی.

ده وویل چې دی د روانو ستونزو د حل لپاره د داسې یوې اجماع په لټه کې دی چې سولې ته غاړه ایښودونکي طالبان او د اوسني نظام مخالف او موافق ټول لوري په‎کې شامل وي.

نوموړی وايي:

"موږ چې کومه طرحه لرو هغه له مخکنیو سره توپیر لري، د اوس لپاره په دولت کې شامل، له دولته بهر، د دولت ملاتړي او یا ناراضه باید په خپلو منځو کې سره کښیني، د طالبانو سره د سولې د خبرو د څرنګوالي ترڅنګ ستر ملي مسایل وڅېړي، موږ غواړو چې د تصمیم

حکمتیار د افغانستان د ستونزو د حل لپاره یوه نوې طرحه لري

پنجشنبه, 18 جوزا 1396 20:04


د حزب اسلامي مشر ګلبدین حکمتیار وايي چې افغانستان د تصمیم نیونې یوې ملي اجماع ته اړتیا لري چې دی یې په لټه کې دی.

ګلبدین حکمتیار زیاته کړه چې د افغانستان د ستونزو د حل لپاره یوه نوې طرحه لري چې له مخې یې باید د ټولو ډلو په شمول یوه ملي اجماع جوړه شي.

ښاغلي حکمتیارد پنجشنبې په ورځ په کابل کې یوې خبري غونډې ته وویل چې دی اوسنی نظام د یوه واقعیت په توګه مني چې ناکامول یې د هېچا په ګټه نه‎دي خو د جګړو په ختمولو کې ورسره مرسته کول د ټولو کار دی.

ده وویل چې دی د روانو ستونزو د حل لپاره د داسې یوې اجماع په لټه کې دی چې سولې ته غاړه ایښودونکي طالبان او د اوسني نظام مخالف او موافق ټول لوري په‎کې شامل وي.

نوموړی وايي:

"موږ چې کومه طرحه لرو هغه له مخکنیو سره توپیر لري، د اوس لپاره په دولت کې شامل، له دولته بهر، د دولت ملاتړي او یا ناراضه باید په خپلو منځو کې سره کښیني، د طالبانو سره د سولې د خبرو د څرنګوالي ترڅنګ ستر ملي مسایل وڅېړي، موږ غواړو چې د تصمیم

افغانستان له چین سره د کونړ پر سیند د برېښنا پروژه لاسلیک کړه

پنجشنبه, 18 جوزا 1396 19:44


د افغانستان او چین ولسمشرانو محمد اشرف غنی او شي جین پېنګ استانه کې لیدنه کړې
د افغانستان او چین ولسمشرانو محمد اشرف غنی او شي جین پېنګ له ترهګرۍ سره پر ګډه مبارزه او د سیمه ییزې اقتصادي همکارۍ پر پیاوړتیا خبرې وکړې.
د دې تر څنګ چین او افغانستان د اورګاډي لیکې او د کابل - کونړ پر سیند د برېښنا بند جوړولو په اړه هم دوې تفاهمنامې لاسلیک کړې دي.
د ولسمشرۍ ماڼۍ له لوري په یوه ټویټر پیغام کې ویل شوي، د کابل ـ کنړ به اوبو د برېښنا پروژې د سروې او طرحې کار به چینايي کمپنۍ اجرا او په شپږو میاشتو کې بشپړ کړي.
دواړه مشران د شانګهای تړون په سرمشریزه کې د ګډون له پاره د قزاقستان پلازمېنې، آستانې ته رسېدلي دي. کابل هیله من دی چې د غونډې په څنډه کې له بهرنیو مشرانو سره د ولسمشر خبرې په سیمه کې د ترهګرۍ پر وړاندې د یوې ټلوالې جوړېدو ته لار هواره کړي.
دغه راز ویل شوي، ددغه هوکړه‌ لیک له ‌مخې به د شیرخان بندرـ هرات د اوسپنې پټلۍ مطالعه، سروې او د طرحې چمتو کول ۱۲ میاشتو کې بشپړ شي.‌
د آستانې د سرمشریزې یوه مهمه پرېکړه به هند او پاکستان ته د اصلي غړیتوب ورکول وي. د شانګهای ټولنې پخوانی سرمنشي دیمتري میزینڅوف وایي چې د غړو د ډېرولو پرېکړه د ټولنې د بنسټیزو اصولو له مخې شوې ده:
'' دا د شانګهای تړون او په یورو اسیا سیمه کې د امنیتي سیسټم لپاره یوه تاریخي شېبه وه. د لومړي ځل لپاره د غړو ډېرولو بهیر روان دی. ''

کوېت د سفارتي لارې د قطر د کړکېچ هوارولو دپاره وخت غوښتی

سه‌شنبه, 16 جوزا 1396 15:27


د قطر د بهرنو چارو وزير د نهې يا سه شبنې په ورځ ویلي کوېت ورته ويلي د قطر امیر دې خپله وېنا وځنډوي او دويې ته دې د کړکېچ هوارولو دپاره وخت ورکړي.

سعودي عرب، مصر، بحرېن، متحده عرب اماراتو او يمن قطر سره سفارتي اړيکې قطع کړي دي. په قطر د عرب هېوادونو تور دی چې د ترهګرۍ ملاتړ کوي خو قطر دغه تور رد کړی.

د قطر د بهرنو چارو وزير شېخ محمدبن عبدالرحمان الثاني عرب خبري ادارې الجزيره ته په يوه مرکه کې ولي چې د قطر امیر شېخ تميم بن حماد الثاني د تازه شخړې وروستو د ګل/يکشنبې په شپه قام ته وېنا کوله او د کوېت د امير په خواست يې ودرولې ده.

د کوېت دولتي خبري ادارې ترمخه د کویت امير شېخ صباح الاحمد الجابر الصباح په شېخ تيم ټينګار کړی، چې د زغم مظاهره ورکړي او د داسې اقدام څخه ډډه وکړي د کوم نه چې حالات لا پسې نور خراب شي.

شېخ محمد الجزيره ته ویلي د کړکېچ رامنځته کېدو کومه اشاره ورته نه وه، او په مسلو د جي سي سي په غونډه يا تېره میاشت د عرب اسلامک امريکن په غونډه کې بحث کېدی شو.

د بهرنو چارو وزارت د ګل يا یکشنبې په ورځ ويلي دغه اقدام جواز نه لري او بې بنياده تورونه پرې لګول شوي دي.