ژوند د ښکليو هنرونو لوی انځور دی
لکه سترګه د خوښۍ او د غم کور دی
کله پرېوځي له خوښۍ کله له غمه
دا صدف وتی د روح له سمندر دی

سید عبید الله نادر                 

خیالي خیالي ګــلونه ،له دې چمــنه ځــــــیني ووځي

ته به وایــي چې هوســۍ دي ، له ختنه ځیني ووځي

کارغــان نیــــسي ځــــایونه، د ګــلونو ،په چمن کې

د مستو ترانو مرغان ،له ګلــــشنه ځـــــیني ووځــي

شاعر :عبدالعزیز( پرهیز)
په زړه سوی یو میین یم
ما یوازی ځانـته پریږدی
بی له یاره ډير غمجن یم
ما یوازی ځانتـــه پریږدی