د غمونو یو لوی بوج په اوږو بار دی

خوار زړګی د اندېښنو د بڼ ملیار دی

فکر او اند مې لالهانده هرې خوا ځي

خور په ذهن یو بې چمه تور غبار دی

که زه شاعر وای ما لیکل د پرګنوشعرونه

هم د خوښۍ هم بد حالۍ او د غمو شعرونه

د ژوندانه د بی خوندیو او ناخوالو قصې

دولږې ،تندې،دخواریو او دردو شعرونه

میرویس نجیبي  

ستا د شونډو مهماني که مې نصیب شي
د عشق رنځ ته به مې خپل قسمت طبیب شي
چې دنیا اخرت دواړو کې نږدې یو
بس راضي دې له مونږ دواړو نه حبیب شي