اېمل پیاوړی

افغانان د سرو زرو او طبیعي منابعو په زېرمو ناستو بې وزله، ناچاره او احتیاج ولس دی. دلیل یې روان جنګ او بدبختۍ دي، ځکه همدغو ناخوالو له خپلو زېرمو او کانونو څخه د موثرې ګټه اخیستنې لپاره زموږ لاسونه تړلي او زموږ امکانات یې محدود کړي دي

اېمل پیاوړی

افغانستان په سیمه او ګاونډ کې د خوږو اوبو له پلوه بډای هېواد دی، خو د جنګونو او ناامنیو له امله افغانستان لا هم نه دی توانېدلی چې له خپلو اوبو څخه د برېښنا د تولید او د کروندو د خړوبولو لپاره موثره استفاده وکړي، بلکې زموږ اوبه وړیا زموږ ګاوندیانو ته ور بهېږي او هغوی ورڅخه بېدرېغه ګټه اخلي، مګر د حکومت او په ځانګړي ډول د ولسمشر غني د جدي تصمیم او ټینګې ارادې له امله به نور دوی زموږ له اوبو څخه ګټه وانخلي

محمدروښان ښاد

افغانستان د مالي سیاستونو له مخې د کورنیو عوایدو د زیاتېدو پر لور روان دی  او په ځانګړي ډول ولسمشر غني غواړي دغه بهیر لا چټک کړي، دومره چټک چې په راتلونکو څو کالو کې افغانستان وتوانېږي خپله عادي او انکشافي بودجه چې د کال اته میلیارد ډالره ده له خپلو عوایدو پوره کړي

محمد روښان ښاد

د افغانستان دښمنانو په تېرو درېوکلونو کې د تروریستي بریدونو، چاودنو او بوږنونکو پېښو له لارې د دې هڅه وکړه چې حکومت یوازې په جنګ کې بوخت وساتي او د دې فرصت ورنه کړي چې عامه خدماتو او نورو چارو ته رسیدګي وکړي، خو حکومت د امنیت د تامینولو، د جنګ د مدیریت، د وسله والو مخالفینو د ځپلو ترڅنګ اقتصادي ودې، د خلکو د ژوند ښه والي، ترانزیټ، زیربنا، د لویو پروژو د کار پیلولو، د نړیوالو اړیکو او مناسباتو پاللوتر څنګ د اقتصاد او معیشتي وضعیت وده هم خپلو لومړیتوبونو کېونیوله

اېمل پیاوړی

جګړه ځپلی افغانستان چې له اقتصادي پلوه لا هم په ښه وضعیت کې قرار نه لري او ډېره تکیه یې پر بهرنیو مرستو ده، له اوسني وضعیت څخه د وتلو، خلکو ته د کار موندنې، د ژوند د ښو شرایطو برابرولو، د خدماتو د عرضه کولو او د ملي برنامو د تطبیق په موخه تر هر څه لومړی امنیت او اقتصادي خودکفایۍ ته اړتیا لري

محمد بشیر یوسفزوی

ترهګر او وسله والې ډلې ماران نه دي چې په خاورو دې ګوزاره وکړي، دوی پرېښمانه ښکاره او پټې مالي سرچینې لري، نو د دوی د ځپلو، کمزوري کولو او له منځه وړلو لپاره دې ټولې هغه مالي چینې لومړی تشخیص او بیا وچې شي. کله چې دوی منظمي مالي او تمویلونکې سرچینې ونه لري، نو باور دی چې ورځ تر بلې به کمزورې شي او همداسې به ولس او خلک د دوی له شر، وحشت او جنایت څخه په امن شي

محمد بشیر یوسفزوی

ملي یووالي حکومت په داسې وخت کې رامنځته شو، چې له یوې خوا بهرنیان له افغانستان څخه په تېښته کې وو، له بل لوري خلک یوې ناڅرګندې وېرې او نهیلۍ په مخه کړي وو، له بل لوري په هېواد کې ظلم، وحشت، بې قانوني، زورواکي، فساد او غصب اوج ته رسېدلی وو.

که څه هم په لومړیو کې خلکو ته ناشونې اېسېدله، خو ولسمشر غني په همغو ستونزمنو شیبو کې واړه واړه بحرانونه او ستونزې داسې مدیریت کړې چې هم یې د هېوادوالو او هم یې د نړیوالو قناعت او رضایت ترلاسه کړ او له همدې امله یې په لږ وخت کې پر حکومت بایللی باور بېرته

محمد بشیر یوسفزوی

د سپټمبر له ۱۱ وروسته نه یوازې د نړیوالو پام افغانستان ته ور واوښت، بلکې نړیوالې مرستې د سېلاب په څېر افغانستان ته راغلې، خو د ناسم مدیریت، منظم پلان او برنامو د نشتوالي له امله نه یوازې یادې منابع او مرستې ضایع، حیف او میل شوې، بلکې په هېواد کې د پراخ فساد او مافیا د رامنځته کېدو لامل شوې

محمد روښان ښاد

د ټاپي پروژې تطبیق د افغانستان په اوسنیو جنګي شرایطو کې نه یوازې افغانانو، بلکې بهرنیانو او نړیوالو ته هم یو خیال او خوب معلومېده او دا یې نه ګنله چې دغه پروژه به تطبیق شي، مګر ولسمشر غني په ځانګړې پاملرنې او هلو ځلو د ټاپي د تطبیق زمینه برابره کړه.

په دې برخه کې د ترکمنستان ځانګړې مننه پکار ده، ځکه ترکمنستان د افغانستان ظرفیت درک کړ او بیا یې په همدغو ناامنه او جنګي شرایطو کې یو لوی ریسک په غاړه واخیست، ځکه چې پر ټاپي د اوه نیم میلیارد ډالرو لګښت یې په خپله غاړه ومانه او دا د افغانستان په حق کې د ترکمنستان هېواد په ځانګړي ډول د جمهور رئیس قربانغلي بردي محمدوف لویه لورینه ده

اېمل پیاوړی

د ټاپي له نوم سره ډېر خلک بلد دي، ځکه چې دا نوم له ډېر پخوا څخه اورېدل کېده، خو د زیات تکرار او نه عملي کېدو له امله خلکو ته یوازې خیال او تصور معلومېده او د زیات ځنډ له امله یې د هغې د عملي کېدو باور له لاسه ورکړی وو، خو ولسمشر غني هرات ته په خپل سفر او په افغانستان کې د ټاپي پروژې د کار د پرانیستې سره ټاپي له خیال او تصور څخه په عمل بدله کړه