وروستي مطالب

د پښتون تحریک مشران په انتخاباتو کې برخه اخلي؟

پنجشنبه, 10 جوزا 1397 21:15

د پښتون ژغورنې ځینې مخکښ مشران چې سیاسي فعالان هم دي او د دی نه مخکې چې د پښتون ژغورنې تحریک د منظور پښتین سره یو ځاې پر مخ بوځي، د پاکستان په انتخاباتو کې یې د برخې اخیستو تیاري کوله.

محسن داوړ د عوامي نیشنل گوند یا اې این پي د دغه گوند د ځوانانو د څانگې د مشرۍ نه په دی وجه لیرې کړ چې هغه د پښتون ژغورنې تحریک سره یوځاې شو.

همدغه ډول علي وزیر چې په ٢٠٠٨ او ٢٠١٣ کال کې یې په انتخاباتو کې د ازاد کاندید په حیث برخه اخیستي وه، یو ځلې بیا په انتخاباتو کې برخه اخلي

پاکستان افغانستان ته د اکمالاتي لارې پر تړلو غوره کوي

پنجشنبه, 10 جوزا 1397 21:10

د پاکستان د بهرنیو چارو وزیر امریکا غږ ته ویلي چې د واشنگټن او اسلام آباد اړیکې دومره "ټیټې کچې" ته رسیدلي چې دواړه هیوادونه له یو بل سره خبرې هم نکوي.

پاکستان وایي امریکا سره په خپلو خړو پړو اړیکو فکر کوي چې کیدای شي دا کار ددې هیواد له لارې افغانستان ته د امریکایي ځواکونو ته د اکمالاتي او مواصلاتي لارې د تړلو سبب هم شي.

د پاکستان د بهرنیو چارو وزیر خرم دستگیر خان دا خبرې په پاریس کې د مالي منابعو د څارنې د نړیوالې ادارې یا

د حکمتیار د سولې د وړاندیز پر اساس له وسله‌والو طالبانو سره د پټو خبرو نوي اړخونه!

پنجشنبه, 10 جوزا 1397 21:03

طالب سرچینې او د ګلبدین حکمتیار په مشرۍ د حزب اسلامي مسؤلین وایي له وسله‌والو طالبانو سره کومې پټې خبرې چې اوس جریان لري، د هغه وړاندیز پر اساس پیل شوي چې څه موده وړاندې د ګلبدین حکمتیار له‌خوا شوی و.

په افغانستان کې د نړیوالو ځواکونو عمومي قومندان جنرال جان نېکلسن تېره ورځ له طالبانو سره له دغو پټو خبرو پرده پورته کړه.

ښاغلي نېکلسن د چهارشنبې په ورځ د وېډیو کنفرانس له لارې په پنټاګون کې خبریالانو ته وویل چې د افغانستان د سولې بهیر د پرمختګ لپاره له وسله‌والو طالبانو سره پټې خبرې روانې دي او دا یې هم ویلي چې نه‌شي کولای په دې مرحله کې په مشخص ډول د کوم طالب نوم واخلي.

د طالبانو یوې سرچینې چې له رسنیو سره د خبرو صلاحیت نه‌لري، د نوم نه‌ښودلو په شرط ازادي راډیو ته د دغه امریکایي جنرال خبرې تأیید کړې او ویې‌ویل له هغو طالبانو سره اړیکې نیول شوي چې سولې ته لېواله دي او غواړي له جګړې لاس واخلي.

دغه سرچینه چې د دې اړیکو له جریانه با خبره ده، زیاتوي چې اوسنۍ خبرې د هغه وړانديز پر اساس شوې دي چې څه موده وړاندې د ګلبدین حکمتیار له‌خوا مطرح شوی و.

دا موضوع د ګلبدین حکمتیار په مشرۍ د حزب اسلامي یوه لوړپوړي غړي هم ازادي راډیو ته تأیید کړه.

محمد امین کریم که څه هم په دې اړه ډېر جزئیات ورنه‌کړل، خو وایي دا خبرې په لومړیو پړاوونو کې دي.

 

ښاغلي کریم زیاته کړه:

"زه دا تأییدوم چې خبرې پر همدې شااوخوا دي، خو د طالبانو مشرانو تر اوسه په دې اړه خپل ګډ رسمي یا غیر رسمي دریځ نه‌دی وړاندې کړی. هغوی په خپلو کې په دې اړه بحثونه کوي او غواړي د موضوع د جزئیاتو په اړه لا ډېر معلومات ولري."

ګلبدین حکمتیار د ۲۰۱۸ کال د مارچ پر څلورمه له نیویارک ټایمز سره په مرکه کې طالبانو ته د سولې د یوه وړاندیز په اړه خبرې وکړې چې په هغه کې د طالبانو لپاره د امن سیمو د جوړولو خبره مطرح شوې وه.

نوموړي هغه مهال وویل چې دا وړاندیز یې له ولسمشر اشرف غني سره هم شریک کړی دی.

د امن سیمو د اعلان څخه هدف طالبانو ته د ولایتونو او سیمو پرېښودل نه‌دي، بلکې چارواکي دې په‌کې په دنده وګمارل شي.

ښاغلي امین له طالبانو سره د مذاکراتو په اړه د ګلبدین حکمتیار د وړاندیز د عمده ټکو په اړه وویل؛

  • مذاکرات باید حد اقل په لومړیو مراحلو کې د نورو هېوادونو د رسمي مداخلې او حضور پرته وي.
  • په پلازمېنه کې د نړیوالې ټولنې په ملاتړ د طالبانو لپاره د یوه رسمي دفتر پرانیستل.
  • د طالبانو لپاره امن سیمې اعلان شي، څو طالبان په ازادانه ډول وکولای شي له خپلو کورنیو سره هلته تګ راتګ وکړي.

محمد امین کریم ټینګار وکړ چې د امن سیمو د اعلان څخه هدف طالبانو ته د ولایتونو او سیمو پرېښودل نه‌دي، بلکې چارواکي دې په هغو سیمو کې د طالبانو سره په تفاهم کې په دنده وګمارل شي.

په افغانستان کې د غوڅ ملاتړ مأموریت قوماندان جنرال جان نېکلسن دغه‌راز ویلي چې د سولې په روانو پټو خبرو کې ځیني نړیوال سازمانونه، بهرني حکومتونه او نورې علاقه‌مندې ډلې هم شاملې دي.

د ښاغلي نېکلسن په خبره امریکایي ډیپلوماتان هم په دې مذاکراتو کې شامل دي.

د طالبانو سرچینې وایي امریکا، سعودي عربستان او پاکستان له طالبانو سره د خبرو لپاره ګډې هڅې پیل کړې دي او په افغانستان، پاکستان او قطر کې د طالبانو له ځینو غړو سره اړیکې نیول شوې دي.

د دغې سرچینې په خبره لا تر اوسه د هبت‌الله په مشرۍ شورا سره اړیکې نه‌دي نیول شوي او داسې نه‌ښکاري چې ملا هبت‌الله دې سولې ته لېواله وي.

بل‌خوا بیا ملا منان نیازی چې ځان د وسله‌والو طالبانو ویاند معرفي کوي د دې پوښتنې په ځواب کې چې ایا امریکا د ملا رسول په مشرۍ ډلې سره اړیکې نیولي؟ که څه هم ډېر جزئیات ورنه‌کړل، خو ویې‌ویل چې دوی د مذاکراتو له بېلابېلو خواوو سره په تماس کې دي.

 

د ګلبدین حکمتیار په مشرۍ د حزب اسلامي لوړپوړي غړي محمد امین کریم د مذاکراتو په بهیر کې د نورو هېوادونو د ښکېلتیا په اړه وویل:

"ځیني هېوادونه له بده مرغه په دې کار کې خپلې ګټې لري، صلاحیتونه لري او دخیل دي. هغوی هم په خپله سطح سلا مشورې کوي. هغه خبرې چې ښاغلي اتمر د پاکستان له لوړپوړو چارواکو سره درلودې، ډېر په دې برخه کې ګټور تمامېدای شي. د افغانستان دولت باید هم‌مهاله د یوه دولت په حیث له دغو هېوادونو سره تفاهم ته ورسېږي څو هغه خنډونه چې دغو هېوادونو تر اوسه رامنځته کړي دي، په تدریجې ډول لیرې شي."

ښاغلي امین د دې پوښتنې په اړه چې د طالبانو ډلې سره مذاکرات څه وخت رسماً پیلېږي؟ وویل چې دا خبرې اترې وخت نیسي او باید په نږدې اوونیو او میاشتو کې ورته په تمه ونه‌اوسو.

 

د طالبانو سرچینه وایي له دې کبله چې دغه ډله تر ډېره تر نړیوالو فشارونو لاندې راغلې، غواړي خپله رهبري چې په پاکستان کې ژوند کوي، له هغه هېواده وباسي.

د دغې سرچینې په خبره د ریاض د وړاندیز پر اساس هغه طالبان چې بېرته افغانستان ته تګ ته لېوالتیا نه‌لري، کولای شي په سعودي عربستان کې ژوند وکړي.

په افغانستان کې د غوڅ ملاتړ مأموریت عمومي قوماندان جنرال جان نېکلسن داسې مهال له طالبانو سره له پټو خبرو پرده پورته کړه چې وسله‌والو طالبانو څه موده وړاندې د خندق په نوم خپل پسرلني عملیات اعلان کړل او تر هغه ورسته‌یې په پلازمېنه کابل او ولایتونو کې بریدونه ډېر کړي دي.

 

د افغانستان د سولي عالي شورا چې له وسله‌والو مخالفینو سره د اړیکو او خبرو د پر مخ وړلو یوه مسؤله اداره بلل کېږي، د دغو خبرو چې جنرال جان نېکلسن‌یې یادونه کړې، بې‌خبري وښوده، خو د دغې شورا ویاند سید احسان طاهري ازادي راډیو ته وویل چې د طالبانو له لوري د سولې خبرو ته لېوالتیا لیدل کېږي او دا هغه څه دي چې دغې شورا یې تل یادونه کړې ده.

د افغانستان حکومت تر اوسه رسماً له وسله‌والو طالبانو سره د پټو خبرو په اړه څه نه‌دي ویلي.

خو وسله‌والو طالبانو تازه ازادي راډیو ته په یوه استول شوې اعلامیه کې له طالبانو سره د سولې د خبرو په اړه څرګندونې رد کړي او لیکلي دي چې دوی نه‌غواړي د دوی په وینا له بې‌صلاحیته جهتونو سره خبرې وکړي.

 

مولانا فضل الرحمن: فاټا اصلاحاتو بل په پارلمان له بلې خوا منظور کړل شو

سه‌شنبه, 08 جوزا 1397 21:43

د جميعت علماء اسلام ف ډلې مشر مولانا فضل الرحمن ويلي دي چې فاټا اصلاحاتو بل قامي اسمبلي پخپله نه بلکه د بلې خوا پرې منظور کړې شوې دې او حکومت او وزيرانو دا منلې ده چې د فاټا انضمام د دوي د رايې او حقايقو پرضد دې.

د نهې په مازيګر په اسلام اباد کې ېوې خبري غونډې ته مولانا فضل الرحمن وويل د فاټا په معامله چې کومه روېه خپله کړې شوې نو هغې د پاکستان په راتلونکي ډير منفي اثرات اچولي دي وزيراعظم شاهد خاقان عباسي او د سيفران وزير عبد القادر بلوچ ورته باور ورکړې وو چې فاټا به د خېبرپښتونخوا برخه نه جوړوي

منظور پشتین: په خیبر پښتونخوا کې د فاټا د ورګډېدو په اړه زمونږ دریځ بې طرفه دی

سه‌شنبه, 08 جوزا 1397 21:32

د پښتون ژغورنې د غورځنګ (پي ټي ام) مشر منظور پشتین وايي، دوی له خیبر پښتونخوا سره د فاټا د یوځای کېدو په اړه بې طرفه دي او په داسې مسلو کې نه ښکېل کیږي د کومو له امله چې پښتانه وېشل کیږي.

منظور پشتین په ټولنیزې رسنۍ فیسبوک باندې په ژوندۍ بڼه په دې اړه د ګل یا دوشنبې په ورځ خپلو خبرو کې وویل:

قبایلي مشران: د پاکستان د پارلمان پرېکړه غندو

سه‌شنبه, 08 جوزا 1397 21:19

په کابل کې د قبایلي سیمو د قومونو استازو د سه شنبې پر ورځ په یوه غونډه کې د پاکستان د پارلمان هغه پرېکړه وغندله چې پر بنسټ به یې قبایلي سیمې په خیبر پښتوانخوا ایالت کې ورګډې شي.

د بېلابېلو قومونو دغو استازو د پاکستان له حکومته غوښتنه وکړه چې د پښتون مېشتو سیمو خپلواکي باید سلب نه کړي.

دې مشرانو همدا رنګه ګواښ وکړ چې که پاکستان خپله پرېکړه بېرته وا نخلي، دوی به پراخې مظاهرې وکړي او ملګرو ملتونو ته به هم په دې اړه شکایت وکړي

روسیه به مستقر شدن پایگاه امریکا در پولند، جدی پاسخ میدهد.

دوشنبه, 07 جوزا 1397 21:38

افگینی سربرنیکوف معاون اول کمیته امور دفاع و امنیت فدراسیون روسیه اظهار داشته است در صورت مستقر شدن نیروهای امریکا در پولند که وزارت دفاع روسیه آمادگی اتخاذ تدابیر را دارد.
وی افزود: «جامعه دیپلوماسی روسیه در این جهت فعالیت خود را ادامه می دهد و به همین علت پیش از پیش هشدار داده است، در صورت که پولند از استقرار نیروهای امریکا در کشور خود امتناع نورزد، وزارت دفاع روسیه آمادگی نشان دادن عکس المل میگرد. تا جائیکه من اطلاع داریم چنین تدابیر اتخاذ گردیده است

د پاکستان یو پخوانی جنرال چې د جهاد په مینه کې ووژل شو

دوشنبه, 07 جوزا 1397 21:33

په امریکا کې د پاکستان پخواني سفیر حسین حقاني په افغانستان کې د هغه پاکستاني جنرال په هکله مقاله لیکلې چې د وژل کیدو په هکله یې په مطبوعاتو کې راپورونه راووتل.

حقاني په مقالې کې لیکلي دي چې د ترهگر په توگه د پاکستان د یو لوړپوړي چارواکې وژل کیدل عادي خبره نده او دا چې د پاکستان د یو لوړپوړي پوځي افسر دا ډول فکر لرل په خپله د پاکستان د پوځ مسلکیتوب ته تاوان رسوي.

متقاعد جنرال شاهد عزیز د پاکستان په پوځ کې په ډیرو مهمو برخو دنده ترسره کړې. د پاکستان پخواني پوځي دیکتاتور جنرال پرویز مشرف هغه په ځینو ډیرو مهمو مقاماتو ټاکلی و