وروستي مطالب

یاغیانو څلور پاکستاني عسکر وژلي دي

چهارشنبه, 18 اسد 1396 16:48

پاکستاني مقاماتو ویلي چې په یوه قبائیلي سیمه کې د پاکستاني پوځیانو او یاغیانو ترمنځ په نښته کې د یو منصبدار په گډون څلور پوځیان وژل شوي دي.

د پاکستان پوځ وایي دغه سهار وختي نښته هغه وخت رامنځ ته شوه چې د "بر دیر" په سیمه کې پاکستاني پوځیانو د ترهگرو پر پټنځای باندې برید وکړ او د دوو ځانمرگو بریدگرو په گډون یو شمیر سخت دریځو متقابلې ډزې وکړې.

د پاکستان د پوځ په یوه اعلامیه کې ویل شوي چې یو بریدگر په ځانمرگي برید بریالی شو او دوهم انتحاري بریدگر پوځیانو په ډزو وواژه. دوی وایي چې یو "ترهگر" یې ژوندی نیولی دی.

د پاکستان پوځ د د یو منصبدار او درې سرتیرو د وژل کیدل تائید کړي او ویلي یې دي چې په نښته کې نهه نور سرتیري ټپیان شوي دي

د بلخ ولایتي شورا غړي پر عطا محمد نور د فساد تورونه ولګول

چهارشنبه, 18 اسد 1396 16:23

د بلخ د ولایتي شورا یو غړی آصف مهمند ادعا کوي چې د دغه ولایت د والي پر ضد یې د فساد پراخ اسناد راټول کړي او کابل ته راغلی چې لویې څاروالۍ ته یې وسپاري.

ښاغلي مومند تور لګولی چې والي عطا محمد نور په ناقانونه ډول د ګمرک او دولت عایدات وهلي او تر یو میلیارد ډالرو شتمني یې ټوله کړې ده.

د ښاغلي نور دفتر پر دغو تورونو له څه ویلو ډډه وکړه.

ښاغلي مهمند وايی دا اسناد یې چې په څلورو دوسیو کې ځای پرځای کړی له یوه نیم کال راهیسې ټول کړي او په بلخ کې یې له اړوندو ادارو سره شریکې کړي، خو چا ځواب نه دی ورکړی

د وزیراعظمۍ وروستو نوازشریف دګوند له مشرۍ هم لاس وینځي

سه‌شنبه, 17 اسد 1396 15:10

د پاکستان دوزیراعظم د کرسۍ څخه دلاس وینځلو نه وروسته ددغه هیواد پخوانی وزیراعظم نوازشریف اوس دخپل ګوند د مشرۍ څخه هم لرې کیدونکی دی

دسه شنبې په ورځ دپاکستان د ټولټاکنو کمیشن واکمن ګوند مسلم لیګ (ن) ته امر کړی چې د سترې محکمې لخوا دنوازشریف نا اهله کولو نه وروسته دخپل ګوند پاره نوی مشر وټاکي.

په ۲۸مه جولایي دپاکستان سترې محکمې نوازشریف د پاناما قضیه کې نااهله ګرځولی اؤ د وزیراعظم د څوکۍ څخه یې کوز کړی ؤ .

په هغه خپلو مخالفو سیاسي ګوندونو تور لګولی ؤ چې د هیواد نه بهر کومې پنګې اؤ جائیدادونه لري ، نه ده معلومه چې دغه پیسې یې له کومې کړي دي؟

د کمال خان بند په تړون کې ستونزې هره میاشت ۱۷۵ میلیونه متر مکعب اوبه ضایع کوي

سه‌شنبه, 17 اسد 1396 15:00

د افغانستان د اوبو او برېښنا وزیر وايي، د پراختیايي پروژو په تړونونو کې علمي پروسیجر ته دقت نه‌کول، د هېواد ځینې پراختیايي پروژې له ستونزو سره مخ کړې دي

دغه وزارت خبرداری ورکوي چې د اوبو او برېښنا د پراختیایي پروژو په تړونونو کې دې، د تدارکاتو د قانون ټول مواد په شفاف ډول په پام کې ونیول شي که نه نو؟ د دغه وزارت په وینا د یو شمېر پراختیايي پروژو چارې به، له ستونزو سره مخ وي.

د اوبو او برېښنا وزیر علي احمد عثماني دا خبره د سې شنبې په ورځ په کابل کې، د افغانستان پراخیتايي پروژو ته د خصوصي سکټور د پانګو د جلبولو او د تدارکاتو د پروسیجر د اسانولو، په کلني کنفرانس کې وکړه.

ښاغلي عثماني وویل، د تدارکاتو د قانون موادو ته نه‌پاملرنه د دې لامل شوې چې د نیمروز ولایت د کمال خان د اوبو د بند د جوړولو چارې، له ستونزو سره مخ او هر کال د هېواد میلیونونه متر مکعب اوبه ضایع شي

شرف غني: د غلو ملاتړ له افغانستان سره جفا ده

سه‌شنبه, 17 اسد 1396 14:56

افغان ولسمشر محمد اشرف غني وايي، په امنیتي ارګانونو کې بې ګټې مدیرتي جوړښت او فساد د امنیت په برخه کې د ناکامۍ لوی لاملونه دي.

نوموړي دغه څرګندونې په دفاعي او امنتیي سکتور کې له فساد سره د مبارزې په ګډ کنفرانس کې د وینا پر مهال وکړې.

په دغه کنفرانس کې د افغانستان د لویې څارنوالۍ، ملي امنیت، کورنیو چارو او دفاع وزارتونو ترمنځ له فساد سره د ګډې مبارزې تړون لاسلیک کړ.

محمد اشرف غني وویل، افغان امنیتي ځواکونو د لیدنو پر مهال ورته ویلي چې د بریالیتوب لپاره د فساد او قانون ماتونې پر وړاندې د باغیانو او قاتلانو په څېر مبارزه پکار ده.

د هغه په ټکو د فساد د زغملو مستقیمه نتیجه دا ده چې په دفاعي او امنیتي ځواکونو کې نظم او قانونیت ته زیان رسېدلی او دوښمن ترې ګټه اخلي، داسې نه وه چېجنرالانو مو فساد غوښته، (اصلا) له فساد سره د مبارزې کلتور له منځه تللی و او اوس

سخنگوی جامعه روحانیت مبارز خواستار رسیدگی به پرونده های احمدی نژاد شد

دوشنبه, 16 اسد 1396 20:00

غلامرضا مصباحی مقدم، سخنگوی جامعه روحانیت مبارز، گفت که این تشکل روحانی از قوه قضاییه می خواهد رسیدگی به "پرونده‌های احمدی‌نژاد" را "در دستور کار قرار دهد".

به گزارش خبرگزاری فارس آقای مصباحی مقدم تاکید کرد که در زمان ریاست جمهوری آقای احمدی نژاد "تخلفات فراوانی اتفاق افتاده" و افزود: "از جمله برای اجرای غلط قانون هدفمندی یارانه‌ها که کمیسیون نظارت بر هدفمندی دو بار گزارشی را به مجلس ارائه داد و هر بار حکایت از ۱۲ تخلف در نحوه اجرای قانون هدفمندی داشت."

جامعه روحانیت مبارز و جامعه مدرسین حوزه علیمه قم، بانفوذترین تشکل های روحانیون محافظه کار در ایران محسوب می شوند که بسیاری از اعضای آنها دارای سمت‌های بالای حکومتی هستند

جرمني یونان ته د کډوالو ستنول پیلوي

دوشنبه, 16 اسد 1396 19:50

جرمني غواړي هغه پناه غوښتونکي بېرته یونان ته ولېږي چې لومړی ځل له دغه هېواده اروپا ته دننه شوي.

سره له دې چې په یونان کې د کډوالو د ثبتولو مرکزونو کې لا اوس هم ګڼ شمېر خلک شته چې د نوم لیکنې لپاره په کتارونو کې منتظر دي.

جرمني د کډوالو دغه ډول بېرته استول ۲۰۱۱ کال کې د دغه هېواد د محکمې له پرېکړې وروسته ودرول. خو د ایرلنډ ډوبلن کې د اروپايي ټولنې د هوکړې پر بنسټ لومړني اروپايي هېواد ته استولی شي.

د ډوبلن هوکړه وايي، د یوه کډوال د پناه غوښتنې بهیر باید په هغه اروپايي هېواد کې پرمخ ولاړ شي چې لومړی وردننه کېږي.

د یونان د کډوالو وزیر لوانیس موزالاس وايي، دوی ځکه منلې د ښه نیت د ښودلو په پار یو شمېر پناه غوښتونکي ومني چې د اروپايي ټولنې د یو شمېر هېوادونو له خوا فشار پرې راوستل شوی

امریکایي چارواکي په پاکستان د فشار په مسلې موافق ندي

دوشنبه, 16 اسد 1396 15:00

 رویټرز لیکې چې د امریکا د ولسمشر ټرمپ په ادارې کې په دی خبرې اتفاق نشته دی چې په پاکستان څومره فشار واچوي او څومره ژر یې پرې واچوي.

امریکایي چارواکو په پاکستان داسې تورونه لگولې دي چې د ترهگرو ملاتړ کوي او په پاکستان کې د ترهگرو د پناهځایونو په ضد یې جدي اقدامات ندي کړې.

د امریکا د ملي امنیت په شورا کې نیکولسن، مکماسټر او لیزا کرټس په دی ټینگار کوي چې د پاکستان په همکارۍ دې د ترهگرو په ضد پیاوړي اقدامات وشي او د پاکستان نه دې په افغانستان کې د ترهگرو په ضد د اقداماتو لپاره د اډې په توگه کار واخیستل شي