وروستي مطالب

پښتون ژغورنې غورځنګ په رزمک کې غونډه وځنډوله

چهارشنبه, 23 جوزا 1397 19:43

د پښتون ژغورنې غورځنګ او د حکومت ملاتړو کسانو د جرګې له خبرو وروسته دغه غورځنګ د شمالي وزیرستان په رزمک کې غونډه وځنډوله.

په مقابل کې حکومت ژمنه کړې چې د غورځنګ ټول نیول شوي غړي به خوشي کوي.

دا جرګه د سې شنبې په ورځ پېښور کې جوړه شوې وه، چې پکې د حکومت له لوري اجمل وزیر، ملک خان مرجان او شاه فرمان او د پښتون ژغورنې غورځنګ یو مخکښ مشر محسن داوړ او نورو غړو ګډون درلود

د پاکستان پوځ لوی درستیز قمر جاوېد باجوه کابل ته تللی

سه‌شنبه, 22 جوزا 1397 19:28

د پاکستان پوځ وايي، لوی درستیز یې جنرال قمر جاوېد باجوه کابل ته تللی. د افغانستان ولسمشرۍ ماڼۍ وايي، ښاغلی باجوه له افغان ولسمشر او افغان چارواکو سره د دواړو هېوادونو ترمنځ د د افغانستان-پاکستان د عمل پلان" پر تطبیق خبرې وکړې.

په اسلام اباد کې سرچینې وايي، د پاکستاني پوځ لوی درستیز به له افغان چارواکو سره هلته د سولې او ثبات په تړاو خبرې وکړي

ټرمپ: له کیم جونګ اون سره خبرې 'فوق العاده' وې

سه‌شنبه, 22 جوزا 1397 19:24

د امریکا متحدو ایالتونو ولسمشر ډونلډ ټرمپ وايي، د شمالي کوریا له مشر کیم جونګ اون سره یې تاریخي خبرې چې په یوه ګډه هوکړه پای ته ورسېدې (فوق العاده) وې.

په لاسلیک شوې هوکړه کې ښاغلي کیم ژمنه کړې، چې کوریا ټاپو به له اتومي وسلو پاکوي.

سنګاپور کې له دغې لیدنې وروسته ښاغلي ټرمپ یوې خبرې غونډې ته وویل، چې امریکا به سویلي کوریا کې پوځي تمرینات ودروي او دا چې ښاغلي کیم د توغندیو ازموینې مرکزونو ویجاړولو ژمنه کړې

ځېنې ادارې قبایلي سېمې اوس هم د خپلو ګټو لپاره کارول غواړي: فرحت الله بابر

شنبه, 19 جوزا 1397 21:51

د پاکستان پیپلز پارټۍ پخواني سېنټر او د ګوند مهم غړي فرحت الله بابر تور لګولی په جنوبي او شمالي وزیرستان کې تازه پېښې ښايي د پاکستان ریاستي ادارې لا هم قبایلي سېمې د خپلو سټراټيجیکي ګټو لپاره کارول غواړي.

په اسلام اباد کې د بشري حقونو کمېشن لخوا راجوړې شوې یوې غونډې ته ښاغلي فرحت الله بابر ویلي په دغه سیمو کې امن کمېټۍ جوړول او چرته ښه طالبان ساتل ښايي چې حکومت لا هم د قبایلي سیمو لپاره اعلان شوي اصلاحاتو عملي کولو کې سنجیده نه ښکاري

غني د اوبو وزیر منفکه کړ؛ عبدالله بیرته وټاکه

شنبه, 19 جوزا 1397 21:41

څو ساعته وروسته له هغه چې ارګ له دندې نه د اوبو او انرژۍ د وزیر، علي احمد عثماني، د ګوښه کولو فرمان خپور کړ د افغانستان د ملي یووالي د حکومت اجرايي مشر وویل چې ښاغلی عثماني به خپلې دندې ته دوام ورکړي.‌

لمړی ارګ د شنبې په ورځ د ولسمشر محمد اشرف غني فرمان خپور کړ چې پکښې ویل شوي چې د اساسي قانون د ۶۴ مادې پر بنسټ، د اوبو او انرژۍ وزیر له دندې ګوښه شوی او د وزارت مرستیال به د سرپرست په توګه کار وکړي.

ورپسې، اجرائیه مشر، عبدالله عبدالله، پر خپل رسمي فیسبوک ولیکل چې ښاغلی عثماني به د وزیر په توګه خپل کار ته دوام ورکړي

افغان دولت د طالبانو درې ورځني اوربند هرکلی کړی

شنبه, 19 جوزا 1397 21:33

د طالبانو ویاند ذبیح الله مجاهد رسنیو ته په استولې خبرپاڼه کې ویلي، چې د دوی مشرتابه خپلو جنګیالیو ته امر کړی، چې په ټول هېواد کې د دوی په وینا پر کورنیو مخالفینو بریدګر عملیات ودروي.

خو په خبرپاڼه کې ویل شوي، چې پر بهرنیو ځواکونو به د دوی بریدونه روان وي.

وسلوال طالبان دا هم وايي، که افغان ځواکونه په دغو ورځو کې پر دوی بریدونه وکړي، نو ځواب به یې وايي

د جون په ۲۴ به دا پرېکړه وشي چې ایا پاکستان د ترهګرو د ملاتړ په نوملړ کې شامل شي او که نه؟

پنجشنبه, 17 جوزا 1397 17:43

د فایننشل اکشن ټسک فورس غونډه د جون په ۲۴ او ۲۹ نېټه په فرانسه کې جوړېږي.

په دغه غونډه کې به پاکستان د خپل اکشن پلان له لیارې فایننشل اکشن ټسک فورس د هېواد دننه په نا قانونه ډول د پیسو د انتقال او د ترهګرو د مالي مرستو د مخنیوي په اړه جوړې کړې تګلارې باندې قانع کوي.

پاکستان به په دغه غونډه کې دا هڅه هم کوي چې، په نا قانونه توګه د چمن او تورخم په پولو د کرنسۍ د حرکت د مخنیوي لپاره څه ګامونه اخلي او یا یې اخیستي دي

ناټو: د افغانستان پوځي ماموریت ته ژمن يو

پنجشنبه, 17 جوزا 1397 17:38

د ناټو سازمان وایې چې په افغانستان کې خپل ماموریت ته ژمن دی او د افغان پوځیانو ملاتړ کوي.

د ناټو سازمان د پنجشنې په ورځ [جون ۷] اعلان وکړ چې په افغانستان کې د نړیوالو قواوو د قاطع ملاتړ ماموریت به د افغان ځواکونو روزنې او ملاتړ ته دوام ورکړي.

د ناټو د دفاع وزیرانو دوه ورځنۍ غونډه نن پیل شوه او په پام کې ده چې برخه وال یې د جمعې په ورځ پر افغانستان بحث وکړي