ګوتېرېش: غزه کې له نړیوالو قوانینو ښکاره سرغړونه شوې

د ملګرو ملتونو عمومي منشي په غزه کې له نړیوالو قوانینو په ښکاره سرغړونې سخته اندېښنه ښودلې ده.

انتونیو ګوتېرېش د حماس یا اسرائیلو له نوم اخیستلو پرته، له ملکي وګړو د انساني ډال په توګه کار اخیستنه او د غزې په جنوبي سیمو بمباري، چې اسرائیلو د غزې د شمالي خلکو لپاره خوندي اعلان کړې وې، وغندله.

د ملګرو ملتونو سرمنشي وویل: "د ملکي وګړو ساتنه په هره وسله واله جګړه کې لومړی اصل دی. د ملکي وګړو ساتنه په دې معنا نه ده چې له هغوی څخه د انساني ډال په توګه استفاده وشي. دا په دې معنی نه ده چې تاسو یو میلیون خلکو ته امر وکړئ چې خپل کورونه له سوېل څخه وباسي، چېرې چې نه سرپناه، نه اوبه، خواړه، درمل او د سونګ توکي شته او بیا په جنوب کې بمباري کوئ".

ښاغلي ګوتریش د ملګرو ملتونو د امنیت شورا په غونډه کې وویل، د اکتوبر د اومې برید په یوه تشه کې نه و تر سره شوی او د فلسطین خلک له ۵۶ کلونو راهیسې د "زندۍ کوونکي نیواک" سره مخامخ دي. "دوی ویني چې پر ځمکو یې استوګنیزې مېنې جوړېږي او ړ تاوتریخوالی بندیوانان دي، د دوی اقتصاد ټکنی شوی، خلک یې بې ځایه شوي او کورونه یې ویجاړ شوي دي."

خو ښاغلي ګوتېرېش ټینګار وکړ چې "نه د فلسطین د خلکو کړاو د حماس برید توجیه کوي او نه هم د حماس له خوا انزوا برید د فلسطینیانو د ډله ییزې سزا توجیه کېدای شي". په ځواب کې د اسرائیلو سفیر د ښاغلي ګوتېرېش د استعفا یا بښنې غوښتنه وکړه.

په ملګرو ملتونو کې د اسرائيلو سفير د ښاغلي ګوتېرېش د څرګندونو په غبرګون کې د هغه د استعفا غوښتنه کړې ده.