سید عبیدالله نادر

مدنیت انګازې          

قافـــــــله دبشر ښــکتــه شوه ســپوږمۍ کې

مونږ تر اوسه یو ، لاناست په تروږمۍ کې

مدنیت انګـــــــــــازۍ لاړي ، کهکشــان ته

مونږ مشهوره د نړۍ شــــــــو ، نادانۍ کې

سوزوه مې چې بدل درست په ايرو شم

څو ستي ستا د حرصونو په لمبو شم

بدن ټول ټوټه ټوټه مې پر چړو کړه

څو د وږو تور لېوانو د خوړو شم

عبدالملک پرهیز 

نن کعبې او بتخانې ته شيطان درومې

چې شتمن شي له فساد، په دې لار درومې

چې ناپاکه وي لاسونه پاک ناپاک کړي

ګله پاک شي چې ناپاک په زړونو درومي