{slide=د پيښور په کمپ کې}
د پيښور په کمپ کې ديوافغان
مهاجر د زړه فرياد
دشمشه تو په کمپ کې
دشمشه تو په کمپ کې پروت يم په بد حال
خالقه لايزال ، که خلاص شو لدې بنده
يمه بندي د ای، اس، ای
نااخلم قدم کله بل ځای
چې زه نه واک لرم نه رای
نه مې دسرتضمين خوندي دی نه د مال
خالقه لايزال ، که خلاص شو لدې بنده
دلته کې هره ورځ ماتم دی
هر ګړۍ ظلم دې ستم دی
دلته د غم دپاسه غم دی
دې زور واکانو ربه کبر کړې زاوال
خالقه لايزال ، که خلاص شو لدې بنده
وطن مو ټول شولو خراب
د تنظيمونو په حساب
کور او هستی مې شوه برباد
کلې مووران شو نه ېې در شته نه دیوال
خالقه لايزال ، که خلاص شو لدې بنده
ربه قبول مو کړې دعا
له تا نه غواړو موږ پناه
که ددې بند نه شو رها
نه يې مزه د چپاتي شته نه د دال
خالقه لايزال ، که خلاص شو لدې بنده
اولاد تعلیم ځينې محروم دی
د دوی کمک هسې په نوم دی
بې وسه ځوان دی که ماشوم دی
ځوانان لويږي بې تعليمه بې کمال
خالقه لايزال ، که خلاص شو لدې بنده
ځوان مو په نوم د مدرسې
چې شي شامل په ليلې
راځي په زړه کې دا ګيلې
ددین په نوم انتهاري جوړشي په چال
خالقه لايزال ، که خلاص شو لدې بنده
دا انتهار لويه ګناه ده
د ورور وژنه ناروا ده
د خدای مخلوق سره جفا ده
زما اولاد مجبوروي پدې منوال
خالقه لايزال ، که خلاص شو لدې بنده
ربه وطن مو کړی اباد
هرخواته سوله کړې بنياد
دا زور واکان کړی ټول برباد
چې شي خبر زموږ د زړونو د احوال
خالقه لايزال ، که خلاص شو لدې بنده
----------------------------------------------
نرګس منصور
س، ا،ی
{/slide}
