محمد اسحق امانزی

 

{slide=مــــوري}
په هر قدم کي دي حکمت وینمه
غیږکي دي مینه محبت ویـــنمه
لوړزړه سرکښه مهــــربانه لرې
پکښي احســاس اوشفــقت وینمه
د ژوندون لاره دي ښودلې ماته
له مشـــورو دي برکـــت ویــنمه
ستاهریوکارله پنده ډک وي همیش
د هرعمل دي  کــــرامت وینــمه
خوږې کیسې چي راتـه تا کــولې
زه هغه ټول اوس حقیـقت وینــمه
دعــا د مورکـه چا ګټـــلې ده نـن
زه یې په ژوند کي سعادت وینمه
امانزی رب لره درخواست کومه
خوپه نصیب کي دي جنت وینمه
امانزی ۱۲مارچ ۲۰۱۱ناروي

{/slide}{slide=ځـــوان افــغان زلـــمیه}
ځوان افغان زلمیه پروت  لـمبوکي د سره اور یمه
ســـوځم لولـپــه شـــوم د بابا دي کلی کــــور یمه
۰۰۰۰۰۰
پام تاریخ ته وکړه  وطني ویاړ حـــماسوکي دی
پلار نیکه غـــیرت یي خپل دتوروازانګوکې دی
نوم یې لوړ اوچت په افغاني جګو شمـلوکې دی
ستا په لوړهمت به ستاپه لاس کي زه سمسوریمه
۰۰۰۰۰۰۰۰
زما ښکلي درې دتــورو شرنګ کښي ترانې لري
ټـــول افغاني وړونه  خــــپل د میني افسانې لري
هرځای سره غــمیان وه په یووالي کي کیسې لري
نـن په نا عــــلاجه رنځ اخته وینـــوکي بــور یمه
۰۰۰۰۰۰۰۰
ورشه په نـــــړۍ کي وطنپال احسا سات وګـوره
ځـــوان نسل اګاه  کړه د پایښت امکــانات وګوره
لـــوړعلم په زده کړه د پیشرفت جذبات وګـــوره
لاس له جنګه واخله دردیدلی کــــــور په کور یمه
۰۰۰۰۰۰۰۰
تیرشی ترنفــــاق د اتحــــاد ږغـــونه پــورته کړی
نوي مفکورې مـــود سمون لاروکوڅو  تــــه کړی
نــوي ډیـــوې  بلي دپـــوهني نـندارو تـــه کـــــړی
بــــل راته څراغ کړه ستا دغبرګو سترګو تور یمه
۰۰۰۰۰۰۰
تــورغـــلیمان ګوره شاوخوا مي راټــول شوي دي
غواړي ما ویجاړکړي ستردښمن د کهول شوي دي
ګــوري امانزی چي د نــامردو پـه رول شـوي دي
ښکــلی باغ د ګـــلوهرافغـــان  تــه جنت نــور یـمه
امانزی ناروي ۲۰اپریل ۲۰۱۱

{/slide}{slide=ســــــــوز}
د زړه ســوز مي را برسیره کـــړه قلمه
چي خالي شي صندوقچه لږڅه لــه غمه
پلــنډي ډ یري کوټه شوي په کوګـل کي
رانه وایې خـله چي زما ده ډ یـــره تمه
درنځور وطــن پیغام پر نوشته کــــړه
چي افغـــــان ولس بیماردی لـــه ستمه
که پردې د نفاق ځوړند وي پر سترګو
داسي  ډ لي خاماخا  زه شــــرمــــومه
د ستړیا احساس دي لیري کړه له فکره
اما نــزی  چي څـــه کوم هـــغه لیکـمه
امانزی ناروي

{/slide}{slide=زنګـــــــا وات}
دغه څـــه رنګـه انصاف که مســـاوات دی
ســـورپه وینوغـــم لــــړلی زنګــاوات دی
مـــوراوپـــلارد خـــپل بچوسره بیــــده وه
پټ یـرغل دنیمي شپې کــــوم مجا زات دی
نـــر اوښځي ماشــومان لــــژند په ویــــــنو
خـــوار ولس ته د مرمیو مکــــافــــــات دی
بــــیرحــــمان دعـــدالت کـــــوي خـــــبري
خـــوعــــمل یې دخـــونخوارو روایـات دی
نهه بچیان یې بې ګـــناه ټول شهېدان شـــول
تاسي خدای دغـــه وحشت که کـــرامات دی
شپـــاړس تنه شهیدان شپــــږ نور زخمي وه
دوحشي امـــریکــــایي اردوعــــــــادات دی
تیـــل پاشـــلي اوربـــل شوی و پـــــر مــړو
امانـزیه دغه بل رنګ دتاریخ یوجنا یا ت دی
امانزی ناروي ۱۱مارچ ۲۰۱۲

{/slide}{slide=هـــــنر}
د بڼې رنګ مي الـــــوتی غم پر سر یم
رنځور ګرځم زخمي شوی پر ځګر یم
دارمان هــیلي زما ټــوټې ټـــوټې شوې
په یـــرغل د انګریزانـــو ښه خـبریـــم
د دښـمن نــاولي موخي پـه رنګــو کي
زه بیــــزاره یې د خیراوهــم د شــریم
د دې واري ډ یر په کلکـه دي راغــلي
پوهید لی یې په چــا ل او په هــنریـــم
چي خــطا نشې افغــانه دوستي نشتـــه
اما نــزی د رته لګیا په زیراو زور یم
امانزی ناروي ۱۱سپټمبر ۲۰۱۱

{/slide}{slide=خپـــل جهــــا ن}
که دي ځان په خپل جهان کي مستغـرق کړې
جوړي لوی کنـــډي کپري ژوندون ګران دی
نه پـوهــیږم چي پر څه راتــه اختــــــه شوې
داسي وایې دې سفـــر کښي ازمون ګران دی
که یـــو شـــــمع لګیــد لې ستـــا و مــخ تــــه
پـــام کوه چي د وطــنه بیـــلتون ګـــران دی
که اغــزي پلنـــډه په شـــا ولس تـــــه ورشي
د جــــفا پــه غـــم کـکړ پیوستون ګـران دی
د پردې تـــرشـا چي جـــوړي معـــا ملې شي
امانزیه په سیا ست کي پټ شـون ګــران دی
امانزی ناروي ۰۱ جنوري ۲۰۱۲

{/slide}