لیکنه : ډیوه افغان
فساد هغه بده او برباد کوونکې پدیده ده چې د یوې ټولنې هره ښېرازي له منځه وړي.
په کومه ټولنه کې چې فساد وي هغه ټولنه د هرپرمختګ څخه لرې پاتې کېږي، او وګړي یې ستومانه او نا هیلی ژوند لري.
دا چې په افغانستان کې اوږدې جګړې تېرې شوې نو فساد هم داسې وغوړېده چې له منځه وړل ېې ناممکن وه، په تېرو څلوېښتو کلونو کې د افغانستان خلکو یو منظم نظام نه درلوده او نه هم داسې کوم زړه
سوانده مشر د حکومتونو په رآس کې وه چې د افغانستان خلکو ته حد اقل لږ سهولتونه ایجاد کړي.
هغه وخت ډېرو ددې هڅه کوله چې څنګه افغانستان ته خیانت وکړي، څنګه کولی شي د افغانستان ملي شتمنۍ په پاکستان او د سیمې په استخباراتو وپلوري.
هماغه وخت څخه فساد مروج شو .
په تېرو اولسو کلونو کې د اداري فساد د پاره ډېرې کړکۍ خلاصې شوې، ځکه چې مرستې بهرنۍ وې ، او پيسې ډېرې وې، هر چا هڅه کوله چې د ځان د پاره کار وکړي، د همدې فساد د لاسه په افغانستان کې ټول سرکونه ،ښوونځي، کلینیکونه، غیر معیاري جوړ شول.
همداسې ډېرو برخو کې فساد موجود وه، یو دلیل یې دا وه چې خپله موږ عامو خلکو د فساد د پراخېدو د پاره لارې هوارې کړې، موږ خپله هڅه کوله چې غیر قانوني کارونه زموږ په ګټه تمام شي.
د مقرریو کې فساد، په قراردادونو کې فساد، د جرمونو په قضیو کې فساد، او داسې نورو مواردو کې چې د همدې فساد په لومو کې موږ خپله ښکېل شولو.
ولسمشر غني د کمپاینونو په پيل کې په څو مواردو ډېر مهم ټینګار وکړ چې د هغې جملې څخه یو هم د فساد سره د کلکې مبارزې یادونه وکړه چې د فساد سره لومړنی کار یې هم د کابل بانک له قضیې پيل کړه چې ومو لیده د ډېرو له مریو څخه یې هغه ورکې شوې پيسې را وباسلې چې د چا تمه هم نه وه .
وروسته یې د ځوانانو د عدالت د تامین په خاطر د کارموندنې د پاره د اصلاحاتو او ملکي خدمتونو اداره رامنځته کړه چې موږ ولیده څومره ورک او پټ بستونه افشاء شول او د همدې ادارې د لارې اعلان ته ورکړل شول اوس ځوانان کولی شي چې د همدې ادارې د لارې د خپلې خوښې وړ بستونو ته لاره پيدا کړي.
ولسمشر د اداري فساد په وړاندې ځانګړي پروګرامونه تر لاس لاندې ونیول .
د زورواکو دنیولو پروسه یې پيل کړه، چې د ولس له تاوده هرکلي سره مخ شوه.
ولسمشر غني یو پاک او د سپېڅلې ارادې لرونکی دی ، همدا اوس په څلورو کلونو کې یې وکولی شو چې د افغانستان ولس سولې ته هیله مند کړي، د فساد سره مبارزه یې نتیجه ورکړه،
زروواکي او هغو ښاماران یې وځپل چې دا کلونه یې ددې ولس په حقونو نه مړېدل.
اوس نو ولس ته هم اړتیا ده چې د خپل دغه زیارکښه او سپينږیري ولسمشر ملاتړ وکړي تر څو مو په هېواد کې د فساد ریښه په کامله توګه له منځه لاړه شي.
موږ پوهېږو چې ټول د فساد له ناوړه پدیدی زیامن شوي یو او باید چې موږ هم ددې پدیدي په ختمولو کې له خپل ولسمشر سره مرسته وکړو.