د اسلام مقدس دین مسلمانانو ته ډېرې خوشحالۍ ور په برخه کړې دي، چې د هغې له ډلې څخه دوه بختور اخترونه دي، چې د نړۍ ټول مسلمانان یې په هر ګوټ کې په خاصو مراسمو لمانځي.
په افغانستان کې هم اخترونه په خپلو ځانګړو مراسمو او خوشحالیو لمانځل کېږي.
متاسفانه چې په افغانستان کې په څو تېرو لسیزو کې اخترونه وُ، خو خوشحالۍ پکې نه وې .
او د خوښيو پر ځای په اکثرو کورونو کې د غم او ویر تغر خور او د اوښکو په تویولو یې اخترونه لمانځل
.
له نېکه مرغه سږنی کوچنی اختر خلکو ته د یوه ریښتیني اختر په توګه خلکو ولمانځه ، چې وړاندې تر دې یې چا فکر هم نه شو کولی چې یو سوله ییز اختر به لمانځي.
کله چې د افغانستان اسلامي دولت او د دولت وسله والو مخالفینو ته اوربند اعلان کړ اختر لا پيل نه وه چې په خلکو اختر شو .
او دېته امیدواره شول چې که خدای ج کول نور به په افغانستان کې هره ورځ اختر او شپه به برات وي.
کله چې موږ له رسنیو واورېدل ومو لیدل چې وسله وال مخالفین بغیر له وسلې په ښارونو کې یې له خلکو سره یو ځای اختر ولمانځه.
او له خپلوانو څخه مو هم واورېدل چې په کلیو او بانډونو کې د دواړو خواو تر منځ د اختر مبارکیانې کېدلې.
او یو بل یې په
خپلو غېږو کې نیول ، او د خپلو تېرو کړنو څخه یې په پښيمانې په سترګو کې یې اوښکې له ورایه ښکارېدې .
دا لرې نده چې دواړه غاړې به یوه مېز ته کېنې ، جګړه او ورور وژنه به پایته رسوي.
خو د پوښتنې ځای دا دی چې ځيني اشخاص او کړۍ چې د نظام په چوکاټ کې شتون لري، او له ټولو دولتي امتیازاتو برخمن دي او د نړۍ ټول بانکونه یې له ډالرو ډک دي او کورنۍ یې په ښکلو بنګلو کې ژوند کوي، خو په دې خوار غریب ولس یوه ورځ یې هم خوشحالي پيرزو نده .
د ملي شخصیتونو سره یې دښمني، او د ملي ارزښتونو سره مخالف او په خپل سر د قضايي ارګانونو حکم پرته دا ملي شخصیتونه محکمه کوي.
د ملي هویت یعنې برښنايي پېژند پاڼې چې په هغې کې د اسلام او افغان له کلیمو سره تضاد د ملي سرود سره مخالفت ، او په خاصه توګه د افغانیت له کلیمې سره مخالف دي، او د هېواد له هر پرمختګ سره چې افغانستان ته سوله او خوښي راوړي په مخالفت کې دي.
زه د افغانستان د اسلامي دولت او ټول افغان ولس څخه هیله کومه چې دداسې اشخاصو په وړاندې سره یو شي، او د قانون منګولو ته وسپارل شي.
او هر هغه څوک چې د افغان د کلیمې سره مخالف دی هغه پردی او د افغانستان له ټولو مدني ،سیاسي، حقوقو څخه بې برخې او د افغانستان د یوه دښمن په توګه وپېژندل شي.
د تلپاتې سولې په هیله .
مینه منګل
