د افغانستان ارګ چې ۱۱ ماڼۍ او څلور برجونه لري، ۱۸۸۰ کال کې د امیر عبدالرحمان خان د سلطنت پر مهال په ۸۳ هکتاره ځمکه کې ورغول شو.
د افغانستان ولسمشرۍ ماڼۍ تایید کړې، چې د ارګ په ګلخانه ماڼۍ کې چې د ولسمشر محمد اشرف غني کاري دفتر دی، اور لګېدلی و
.
د ولسمشرۍ ماڼۍ ویاند هارون چخانسوري په وینا او وژونکي یا اطفاییه پر وخت د اورلګېدنې ځای ته رسېدلي او هغه لمبې یې مړې کړې، چې د ماڼۍ یوه برخه کې لګېدلې وې، وژلې دي.
د ویندوی په خبره اور وژونکي وتوانېدل د مهمو اسنادو او د پخواني پاچا امان الله خان د ځانګړي کاري میز سوځېدو مخه ونیسي.
نوموړي دې لړ کې نور معلومات نه دي ورکړي، چې څنګه اور ولګېد او د ماڼۍ کومې برخې د اور لګېدو له کبله سوځلې دي.
نژدې یو کال مخکې د افغان ولسمشرۍ د چارو ادارې په زېرمتون کې اور لګېدلی و.
ګلخانه پخوا د ارګ لپاره د ګلونو کرلو او ساتنې ځای په توګه کارېدله، خو د افغانستان وروستي پاچا محمد ظاهرشاه د واکمنۍ پر مخال پکې بدلون راوستل شو او اوس د ولسمشر غني د کاري دفتر په توګه کاروول کېږي.
شاهزادۍ هندیه په ارګ کې د خپل پاچا پلار امان الله خان د کاري دفتر تر شاه
د افغانستان ارګ چې ۱۱ ماڼۍ او څلور برجونه لري، ۱۸۸۰ کال کې د امیر عبدالرحمان خان د سلطنت پر مهال په ۸۳ هکتاره ځمکه کې ورغول شو.
د ارګ ځینې برخې د کورنیو جګړو پر مهال ورانې شوې، چې اوس بیا رغول شوې دي. افغان دولت نژدې دوه کاله مخکې د ارګ داسې دننني او بهرني تصویرونه خپاره کړل، چې مخکې نه و لیدل شوي.
