ولسمشر ټرمپ او غني په لومړي ځل سره کتلي

ښاغلي ټرمپ همداراز د افغانستان امنیتي ځواکونه زړور بللي چې د خپل هېواد د امنیت ساتلو لپاره سخته مبارزه کوي.
ډونلډ ټرمپ ویلي، ژر به له اشرف غني سره وویني
مونیخ غونډه: ولسمشر غني به د ټرمپ ادارې له چارواکو سره وغږیږي
محمد اشرف غني او ډونلډ ټرمپ ټېلفوني خبرې کړي
دواړه مشران داسې مهال سره ګوري چې امریکایي چارواکي افغانستان ته د نورو امریکایي سرتېرو د استولو پر ارزولو لګیا دي.
د امریکا دفاع وزیر جیمز ماټیس د اپرېل په ۲۴مه افغانستان په خپل سفر کې وویل، ۲۰۱۷ کال به د افغانستان د امنیتي ځواکونو لپاره یو بل ننګوونکی کال وي. د سږکال ترټولو خونړۍ پېښه بلخ کې پر شاهین قول اردو د طالبانو برید و چې شاوخوا ۱۴۰ سرتېري پکې ووژل شول او تر شپېتو ډېر ټپیان شول.
د نړیوالو خبري اژانسونو د راپور له مخې، ښایي دغه هېواد ته له درېیو تر پنځو زرو تازه دمي امریکايي سرتېري واستول شي، کومه شمېره چې ښاغلي غني هم افغانستان کې د امنیتي وضعیت کې د مثبت بدلون لپاره مناسبه بللې ده.
د ناټو سرمنشي: افغانستان کې د سرتېرو زیاتولو په ارزولو لګیا یو
ښاغلي غني څو وړاندې ویلي و چې د افغانستان پوځ د قل اردو په کچه بهرني پوځي سلاکاران لري خو دا اړتیا د فرقې په کچه هم لیدل کېږي. اوسمهال افغانستان کې ۸۴۰۰ امریکایي او ۵۰۰۰ د ناټو پوځیان حضور لري چې یوازې د کورنیو ځواکونو پر روزنې، مشورې او ملاتړ بوخت دي.

افغان ولسمشر محمداشرف غني د اسلامي پراختيايي بانک له مشر سره وکتل، دواړو لورو د هغو پروژو په اړه چې په افغانستان کې د دې بانک له لورې تمویلېږي، بحث وکړ.
افغانستان کې د امریکایي او ناټو ځواکونو قومندان جنرال جان نیکلسن د روان کال په فبرورۍ کې د امریکا کانګرس ته خبرو کې وویل، دافغانستان جګړې له اوسني په ټپه ولاړ حالت نه وتلو لپاره د نورو پوځیانو استولو ته اړتیا ده.
ناټو او امریکایي چارواکو ویلي، د افغانستان دولت پر ۶۲ سلنه نفوس او ۵۷ سلنه خاورې کنټرول لري.