پند او نصیحت

سید عبید الله نادر   

د اسلام په نوم که داســــــــي مو چلند وي

زمونږ چاري به په ټول عمر کې شنډ وي

د جهان، له ســـــیالیه به شـــــــــئ وروسته

که همداســــــي مکتبونه ســــتاسي بند وي

معنویاتو له مقـــــــــامه به محـــــروم شئ

که ککړ مو خـــــیالات په داسی ، ګند وي

نړیوال به نه ودریږي ســــــتاسو خوا کې

که د علم لار کې ټول اعمال مو خنډ وي

که غرور له خره نه کـــوز نشئ ، یارانو

طنابونه به د عـــــمر ســــتاسي ، لنډ وي

د پرَدو حـاجـــت نه، وباســــــئ، ځـانونه

د خیرات به مـــو تر څـــو نیولی پنډ وي

که په سر کې مو ذَره عقل و شعور وي

نو دا څو کرخي به زما تاسي ته پند وي