انجنیر زلمی نصرت
نه ساقي زما په کار دی
نه ساغر زما په کار دی
زه چې مست یم له ازله
بس وزر زما په کار دی
ځم د ښار له پیښو لرې
بل گذر زما په کار دی
چې پر سر یې پرواز وکړم
داسې غر زما په کار دی
غواړم وگورم اسمان ته
سیل د لمر زما په کار دی
د لایق له ترانو نه
نن چونغز زما په کار دی
چې تیارې شپې مې رڼا کړي
دا دلبر زما په کار دی
زه به هم ځمه نصرته
خپل گودر زما په کار دی
۱۶.۰۴.۲۰۲۴
دنمارک
وایله
غزل
Typography
- Smaller Small Medium Big Bigger
- Default Helvetica Segoe Georgia Times
- Reading Mode
