اېمل پیاوړی

د روان کال د سلواغې په ۷ نېټه غرمه مهال کابل د وسله والو طالبانو د جنایت او بوږنونکې فاجعې شاهد وو. ترهګرو ډلو صدارت څلور لارې ته ورڅېرمه د جمهوریت روغتون تر څنګ له چاودېدونکو توکو ډک امبولاس ته د چاودنې په ورکولو سره سلګونه هېوادوالو ته د سر او مال درانده زیانونه واړول

کابل - پښتونستان واټ

د کابل او هیواد وروستیو پېښو هیوادوالو ته ستر ځاني، مالي، رواني، سیاسي او ټولنیز تاوان رسولی چی له مخی یې هیواد او وګړو ته سترناورین پیښ شو، پښتونستان تحریک د ورستیو ترورستی پېښو په کلکه غندنه کوی، قربانیانو ته یی د پاک رب څخه بدیل غواړی، مریضانو ته عاجله شفا، شهیدانو ته اجر عظیم

اېمل پیاوړی

له هغې ورځې چې امریکا پر پاکستان د ترهګرۍ د ملاتړ له امله فشار زیات کړی، نوپاکستان ځانته د برائت ورکولو په موخه ترهګر د افغانستان په مرکز او ښارونو کې د ترهګریزو بریدونو ترسره کولو ته زیات لمسولي دي. تروریستي ډلې کوښښ کوي چې افغانستان ناامنه وساتي، دلته خپل مرکزونه جوړ کړي بیا له دې ځایه څخه د سیمې او نړۍ په هېوادونو تروریستي بریدونه او ورانکاري فعالیتونه ترسره کړي

محمد روښان ښاد

سره له دې چې وروستۍ دوه اونۍ د افغانستان لپاره خونړۍ اونۍ وې او ترهګرو د خپلو وحشتونو او جنایتونو پرمهال زموږ ګڼ هېوادوال شهیدان او ټپیان کړل او د دوی درنې کورنۍ یې د ویر په ټغر کېنولې، خو بل لورته په همدغه غمجن حالت کې افغانستان د پرمختګ په لور یو بل مهم ګام واخیست. پلازمېنه کابل نن په غمجن او ویرجن حالت کې څو لسیزې وروسته د خپل ځانګړي مېلمه (د اندونیزیا د ولسمشر، د هغه د مېرمن او د یاد هېواد د لوړپوړي پلاوي) کوربه توب کوي

ګل رحمن رحماني

وایي یوه ورځ چې په جنګ کې رسول الله د یو ماشوم جسد ولیده، نو له ډېرې اندېښنې یې سکوت اختیار کړ او بیا یې ویل، اې الله (ج) په انسانانو څه شوي چې ماشومان وژني؟

 صحابه د هغه ماشوم نصب لټوي او پوښتنه یې کوي او بېرته رسول الله ته راځي او هغه ته وایي چې مه خپه کېږه هغه د یوې مشرکې کورنۍ ماشوم و، نو رسول الله په ځواب کی ورته وایي، نو د اسلام له دین دمخه تاسې د کومې کورنۍ غړي وئ ؟ تاسې څوک وئ ؟

خو ترهګرې ډلې بیا په لوی لاس زموږ معصوم ماشومان د خپلو بریدونو پرمهال په نښه کوي او پې برحمۍ یې شهیدانوي. د روانې بدمرغه جګړې اکثره قربانیان ماشومان دي، ترهګر په ډېره بې رحمۍ هغوی وژني، ښوونځي یې ویجاړوي، په روغتونونو او ښارونو کې یې په تروریستي

محمد روښان ښاد

افغانستان  نن سبا دوه تصویره لري چې یو د جنګ او بل د برابرو شویو فرصتونو تصویر دی، خو تراوسه یوازې د افغانستان د جنګ او ناامنۍ تصویر نورو ته ورښودل شوی دی. مګر موږ باید کوښښ وکړو چې د نړیوالو پام د افغانستان د فرصتونو او ظرفیتونو رول ته ور واړو او د هغوی له ذهنونو څخه د افغانستان د جنګ او ناامنۍ تصویر پاک کړو

محمد بشیر یوسفزوی

په دې وروستیو کې د ښار په منځ کې په تاسیساتو، روغتونونو او ملکي وګړو وحشیانه ترهګریز بریدونه او د فاجعې رامنځته کول د افغانستان د وسله والو دښمنانو زوال او وارخطایي ښیي، ځکه بهرني باداران یې دېته لمسوي چې د خپل زوال د پټولو لپاره باید دغه وړ جنایتونه ترسره کړي. عام وژنې وکړي او په دې ډول خلک د حکومت پر ضد را وپاروي، خو دوی له دې څخه بې خبره دي چې د دوی جنایتونو ته په کتو ولس له دوی څخه دومره منفور دي چې هیڅ به هغوی ته په خپل هېواد او منځ کې ځای ورنه کړي

محمد روښان ښاد

افغانستان د خپلې فعالې ډیپلوماسۍ پرمټ ورځ تر بلې غوړېږي، غښتلی کېږي او د سیمې او نړۍ هېوادونو سره خپلې پرې شوې او سړې شوې اړیکې او مناسبات بیا له سره رغاوي، چې یو ښه مثال یې اندونیزیا سره د سړو شویو او پرې شویو اړیکو بیا ټینګول دي.

د سږکال په پسرلي کې ولسمشر غني اندونیزیا ته رسمي سفر وکړ او یاد هېواد ته د خپل سفر پرمهال یې د اندونیزیا جمهور رئیس، لومړي وزیر، تاجرانو، پانګوالو، علما او د اسلامي مرکزونو سره جلا جلا کتنو کې د افغانستان او اندونیزیا د اړیکو د پراختیا، د ملګرتیا د ارزښت او هر اړخیزو همکاریو په پراخوالي ټینګار وکړ

اېمل پیاوړی

اندونیزیا په نړۍ او سیمه کې یو ځانګړی نوم دی، هم د نړۍ د لوی اسلامي هېواد په توګه خپل حیثیت او شهرت لري او هم د اقتصادي او پرمختللي هېواد په توګه په نړۍ کې یاد او مشهور دی، نو د اندونیزیا هېواد دغو دواړو اړخونو او شهرتونو ته په کتو باید افغانستان ورڅخه خپله  اعظمي ګټه پورته کړي

محمد بشیر یوسفزوی

د اندونیزیا جمهور رئیس داسې مهال افغانستان ته سفر کوي چې پلازمېنه، ننګرهار او کندهار کې د وروستیو تروریستي بریدونو د ترسره کولو له امله هېوادوال د خپلو عزیزانو، وطنوالو او د کورنیو د غړو د له لاسه ورکولواو ټپي کېدلو له امله د ویر په ټغر کې ناست دي.

په دغسې حساس او له خطره ډک حالت کې افغانستان ته د اندونیزیا د جمهور رئیس جوکو ویدودو راتګ له افغانستان سره د اندونیزیا مینه، لېوالتیا او ژمنتیا ښیي. افغان حکومت په غمجنه او واورینه ورځ د اندونیزیا د ولسمشر او ورسره پلاوي تود هرکلی وکړ، ځکه مقاماتو د افغانستان او اندونیزیا د ښو مناسباتو اړتیا او ښېګڼه درک کړې او له همدې امله غواړي چې دغه مناسبات تر پخوا لا زیات ټینګ او پراخه شي