د کرونا ویرس خپور شوی په جهان دی
ټول عالم ورته حیران دی - حیران
هرې خوا سلهاو انسانان مري
که څوک غریب دی یا که خان مري
پروای نشته د بل دین که مسلمان دی
ټول عالم ورته حیران دی - حیران
علاج یې نشته افریقا کې
نه په یورپ نه امریکا کې
چانس د هغو دی چې په کور کې بندیوان دی
ټول عالم ورته حیران دی - حیران
دا نه کوم ټوکې مسخرې دي
دې کې د مرګ او ژوند کیسې دي
بې پروایې کې مبتلا پرې هر انسان دی
ټول عالم ورته حیران دی - حیران
نه وخت د مړي او ژوندي دی
نه د روزګار او غریبي دی
کمک یوبل ته طریقت د مسلمان دی
ټول عالم ورته حیران دی - حیران
افغاني سولې کې ژوندون دی
جنګ نابودي ده جنګ جنون دی
والصلح خیر په نامه امر د قران دی
ټول عالم ورته حیران دی - حیران
-------------------------
شاعر : سمیع الدین افغاني
۱۰ - ۴ - ۲۰۲۰
م ۰ کال