زلمی نصرت
لــه قـلـمـداره کــیــنــه ور ډاریـــږم
لـــه بـــا سواده ځـــنــاور ډاریــږم
په یــوه سـتـنـه مـاشـومـان چې وژني
ددې سـتـن لــه فــنــاور ډاریـــږم
شکنجه گاه چې جـوړوي اقــرار تــه
ددې مـعـمـار لـه در او ور ډاریــږم
چې کړي مسموم په مهارت زندانیان
لـــه دې بې نــنــگــه دلاور ډاریـــږم
چـې قـلـم پـریـږدي مـاشینگڼه واخلي
ددې شاعر له دې هنر ډاریـــږم
چې مې فـتـوا د مرگ اسانه ورکـړي
ددې ملا لــه هــــر بــاور ډاریــږم
نـصـرتــه پـریـږده د ملا خــبــرې
زه اوس لـه یـار او لـه یاور ډاریـــږم
دنمارک ـ وایله
١٦.٠٩.٢٠١٨
ډار
Typography
- Smaller Small Medium Big Bigger
- Default Helvetica Segoe Georgia Times
- Reading Mode
