راغلی سپین ږیرتوب دی د ځوانۍ وختونه تېرل شول
اوس یخ شمال لګېږي د سپرلي وختونه تېر شول
یو خوب ؤ یو خیال ؤ د ارمان ستړی کاروان ؤ
لحظې د پسرلي ول د بريښنا په بیړه تېر شول
شیبې
د مړاویتوب دي د ارمان غوټۍ رژېږی
د هیلو پسرلیو غوړېدو وختونه تېر شول
چې وخت د پنځونې او مستۍ ؤ او د مینې
زموږ ښکلي وختونه ډک له غم او کړاو تېر شول
وخت واخیستل له موږ د محبت او عشق شیبې
د هیلو لوی کاروان مو ناهیلۍ دریاب کې تېر شول
شیمه په پښو کې نشته کمزورۍ سیلاب اخیستی
چې بم د انرژۍ وم د طاقت وختونه تېر شول
ژوندون پړاو پړاو دی ترې نه خوند واخله تیریږی
سبا نه خبر نشته، پام چې نن در څخه تېر شول
