عیسی بهرام

 

{slide= انسانستان}راشئ چی را ټول سره رنگونه کړو
دا رنگونه موږ ښایسته گلونه کړو
سره او شنه او ژیړ او تور اوسپین کړو گډ
رنگا رنگ تری ساز رنگه خالونه کړو
دا خالونه ستورﻱ کړو د شین آسمان
جوړ به دې آسمان لاندې کورونه کړو
ور به کړو کورونه مینانوته
ډک له مینانو به ښارونه کړو
مینه به قانون و ټاکودې ښار کې
پاک به له کینونه دا ټول زړونه کړو
لر او بر به وکرو گلان په کې
هر خوا به سمسور رنگین باغونه کړو
نه چی وﻱ خاطر په کې دچا ملال
گرم په هر خوا به سرودونه کړو
نوم به ددې ښار انسانستان کیږدو
ورک به ترې خیلونه ملیتونه کړو
دا سپیڅلی ښار لکه ایمان به وﻱ
دلته چی اوسیږﻱبس انسان به وﻱ
دلته به نه زور نه زورور به وﻱ
هر انسان دیو بل برابر به وﻱ
ښځه به حقوق لکه دنر لرﻱ
مور ددې ټولنی لکه لمر به وﻱ
دلته به ماړه وﻱ ټول ډوډ ۍ باندې
نه به دلته وږی نه سوالگر به وﻱ
ویره به دچا نه وﻱ جنگونونه
نه دچا لښکر نه یرغلگر به وﻱ
شپه لکه دمور غیږ به آرامه وﻱ
پاک لکه د پلار مینه سهار به وﻱ
هر خوا به ښوونځی وﻱ دالفت په کې
لوی بهاند د علم سمندر به وﻱ
ته زما او زه له تا ځاریږو به
هر انسان د یو بل د زړه سر به وﻱ
سپینی به کوترې په کې الوزﻱ
سوله به وﻱ ژوند به وﻱ اختر به وﻱ
څوک د اوسیدوکه یی ارمان لرﻱ
ښه راغلاست ډیرځای انسانستان لرﻱ

عیسی بهرام
20 جنورﻱ 2006{/slide}