پوهیالی اسدالله حامد پیاروخیل

 

{slide= ژړا راځي}
چه بیچاره ملت ته ګورمه ژړا راځي
زمامدارانو د غفلت ته ګورمه ژړاراځي

په هیڅ چاکی خواخوګۍ اوترحم نه وینم
وطن ویجاړ حالت ته ګورمه ژړا راځي

ټول افغانان یوو او بیرغ مو یو دی
بیا چه د ژبو تبعیضو ته ګورمه ژړا راځي

وطن زمونږ واک یی د پردو په لاس دی
د رحمن بابا شعرو ته ګورمه ژړا راځي

وطن مو ښکلې غرونه او باغونه لري
چه د شهیدانو هدیروته ګورمه ژړا راځي

کور د ننګیالیو ده، زمریان پکې دي
چه د ګیدړو نیرنګو ته ګورمه ژړا راځي

افغانان یوو، ښکلۍ تاریخ اوغیرت لرو مونږ
بیا د ګاونډیو دسیسو ته ګورمه ژړا راځي

راځی چه د اغزو په ځاې ګلان وکرو
بیا د غمازانو پلانو ته ګورمه ژړا راځي

سوله او نیکمرغي د وطن، شعار دی زمونږ
د ‌حامد شړیدلي ګریوان ته ګورمه ژړا راځي

اسدالله حامد پیاروخیل پوهیالۍ
جاپان ۱۱.۲۰۰۸
{/slide}{slide= مینـه لرم}
شاعر نه یم، شــــــــــــــاعرانو سره مینـــــه لرم
میــــن نه یم ، له خوبانـــــــــو سره مینـــــــه لرم

مینـــــه او عاشقي د هر انسـان لره پــــــکار ده
خیر ده کـه بوډا یم، له ځوانــــــانو سره مینه لرم
X
وطن مو یو دی، بیــــــــلې ژبې او رواجونه لرو
ډیر دي نژادونــــــه، افغانــــــــانو سره مینه لرم

نفاق مې نه خوښیږي، د جنګونو څخه کرکه کوم
د خپـــــــلواکۍ د لارې اتــــــــلانو سره مینه لرم
X
کابل ده کــــــــه زابل ده، لغمان ده که مـــــــیدان
د دې خاورې د اغزو او د ګــــلانو سره مینه لرم

اڅک یې غرونه، ښـــــکلې دښتې او سیندونه لري
زمونږ د ټولو مور ده، بچــــیانو سره یې مینه لرم
X
خیر ده که نن وران او در په دره ښــــــــــــکاري
بیا به شـــي ودان، دشازلمیانو سره یې مینــــه لرم

پورته کړه قلم، لاس په کــــــــــــار شه حامد جانه
غښتلي یې عالمان دي، لیکوالانو سره یې مینه لرم
{/slide}