یوه نوې څیړنه ښیي هغه کسان چې د ورځې لږ تر لږه یوه هگۍ خوري د هغو خلکو په پرتله چې هگۍ نه خوري ښایي د قلبي حملو او د زړه د دریدو له خطرونو سره کم مخامخ شي.
چینایي څیړونکو د ۴۶۱ زره کسانو په منځ کې چې وسطي عمر یې ۵۱ کاله و او هیڅکله هم د زړه په ناروغۍ باندې نه وو اخته شوي، د هگۍ خوړل تجربه کړي دي.
ددغو کسانو له ډلې څخه یو شمیر د ورځې حد اقل نیمه هگۍ خوړله، شاوخوا نهه فیصدو یې اصلاً هگۍ نه خوړله او ١٣ فیصدو یې هره ورځ یوه هگۍ په خپل غذایي رژیم کې شامله کړې وه
.
دغې څیړنې شاوخوا نهه کاله وخت ونیو چې پدې موده کې ٨٧ زره او ٩٧٧ کسان یې په قلبي ناروغیو اخته یا هم د زړه له دریدو او دماغي سکتې سره مخامخ شول او له دې جملې نه ٩٩٨٥ تنه یې د همدې ناروغیو له کبله مړه شول.
څیړونکو دا موندله د هغو کسانو په پرتله چې هگۍ یې په غذایي رژیم کې شامله نه وه، هغه خلک چې لږ تر لږه د ورځې یې نیمه دانه هگۍ خوړله شاوخوا ١١ فیصده لږ په قلبي او درگونو په ناروغیو اخته شوي وو.
د امریکا د باستن د هاوارد طبي پوهنتون یو څیړونکې ډاکتر لووک جوزي، چې پدې څیړنه کې نه و شامل وایي "د غذایي موادو په مصرف کې په اعتدال کیدای شي د قلبي ناروغیو او مغزي سکتو نه مخنیوی وشي."
خو دا پدې معنی ندي چې یو څوک دې د ورځې د درې هگیو خوړل چې په غوړو کې پخې شوې وي په خپل سهارني رژیم کې شامل کړي.
ډاکتر جوزي په دې ټینگار وکړ چې دغې څیړنې د ورځې د یوې هگۍ نه د زیاتو هگیو د خوړلو او د قلبي نارغیو او مغزي سکتې ترمنځ د اړیکې په اړه تحقیق ندی کړی.
د لندن د مغزي سکتې د وقایې د یو تحقیقاتي مرکز ډاکتر جي ډیوید سپنس وایي "د هگۍ خوړل هغو خلکو ته چې د قلبي حملو او مغزي سکتې د خطر سره مخامخ دي په ځانگړې توگه هغوی چې د شکرې په ناروغۍ اخته دي د هگۍ خوړل اصلاً ښه ندي."
ډاکتر سپنس وایي "د هگۍ خوړل د رگونو د ناروغۍ خطر زیاتوي. د هگۍ ژیر فاسفاتیدایل کولین لري، هغه ماده چې د شریانونو د بندیدو سبب کیدای شي."
هگۍ ډیر کولسترول لري
هغه څیړنه چې په طبي خپرونه کې خپره شوې ښیي چې هگۍ د کولسترولو اصلي منبع ده خو د هغې تر څنگ زیاته اندازه پروتین او ویټامین هم لري.
خو تیرو څیړنو د هگۍ د خوړولو او د قلبي نارگوغیو او مغزي سکتې ترمنځ د اړیکې په هکله متناقضې رنتیجې بیان کړې دي.
ډاکتزر جوسي وایي هگۍ کولای شي شاوخوا ۲۰۰ ملی گرامه کولسترول ولري او پوهان یې دې فکر ته اړ کړي چې د هگۍ خوړل کیدای شي د وینې د کولسترولو د لوړیدو سبب شي.
یو شمیر نویو څیړنو ښودلې چې د هگۍ خوړل ښایي په ځیگر کې د (LDL) یا بدو کولسترولو د تولید د مخنیوي سبب شي او د (HDL) یا ښه کولسترول زیات کړي.
دغې څیړنې نده ثابته کړې چې د هگۍ خوړل څنگه د قلبي او د رگونو ناروغیو په رامنځ ته کیدو اثر کوي.
د نړۍ د نورو برخو سره د چینایانو توپیر
ددغې څیړنې یوه بله نیمگړتیا داده چې په چین کې عملي شوې تجربه ښایي د نړۍ په نورو برخو کې د پلي کیدو وړ نه وي. ددې څیړنې گډون کوونکي په عمومي توگه سالم وزن درلود او اکثرو یې د وینې د لوړ فشار او قلبي ناروغیو تاریخچه نه درلودله.
په متحده ایالاتو کې چې د اکثرو پوخ عمره کسانو د بدن وزن یې زیات دی، غوښه او کچالو یې په عذایي رژیم کې شامل دي، لږه میوه او سزیجات خوري نو ښایي د هگۍ خوړل او د قلبي ناروغیو موضوع د هغوی ترمنځ توپیر ولري.
د ښه روغتیا او د سالم قلب د درلودلو لپاره د امریکا د متحده ایالاتو قلبي انجمن پدې ټینگار کوي چې خلک دې مایع نباتي غوړي، مغزیات، میوه، سابه، لږ غوړ لرونکي لبنیات، ماهي او د کورنیو چرگانو غوښه په خپل غذایي رژیم کې په زیاته اندازه شامله کړي. همداشان د سرې (پسه او غوا) د غوښې له خوړولو او همداشان د زیاتې مالگې او خوږو څښاک موادو خوراک او څښاک کم کړي.
