زلمی نصرت
چـې د بـل په خوښه راشې او پـیـشـوا شې
د خـپـل اصـل نــه بــه خـامـاخـا جـدا شې
نـه بـه گـل نـه بــه بلبل پاتي شـې بـڼ کې
که اغـیـار دې د مـالـیـار پـه جامه را شې
د بــل چــا د زړه پــروا بــه کـلـه وکــړي
چې څوک خپلي رسوایـې ته بې پروا شې
چې نــه شـرم نـه حـیـا پـیـژنـې ژونـد کې
داسي خـلـک دنـیـا دار پـــه دې دنـیـا شې
کـلـه مـیـنـه او محبت وې هـغـه کـور کې
چې یو ورور و بل ورور ته سره بلا شې
چـا لـیـدلـی پـه خـره کـوږ بـار تـر منزله
پـه خـره کوږ بار نیمه لاره کې خطا شې
د ارمــان ونـــه بــه هـلـه شې سـمـسـوره
چې ارمـان دې پـه رښـتـیـا سـره بـنـا شې
کـه قـبـلـه مــو عـوض نــه شې ای نصرته
دغـه حـال بـه مـو تـر مـرگـه مــدعــا شې
۱۲.۰۵.۲۰۲۰ ـ دنمارک
