د شعر او ادب برخي د پاره
سید عبیدالله نادر
کال ۱۳۷۷ د طالبانو د واکمنئ پر مهال
د امیـــــــــــــدونو بڼ، ثمـــــــــــــر نه لري
ځکـــه مالیـــــــار تري نه، خـــــبر نه لري
توره پرده د ناامــــــــــیدي شوه، خــــــوره
دا انتظــــــــــــــار زمونږ ګـــــذر، نه لري
د کـــــــاروان څــخه شوه ، لاره ورکـــــه
چي قـــــافلي سر کــــی ، رهــــبر نه لري
چمــــن شـــــو وران د غــافلانو ، په لاس
چــي د مالیار په شــــــــان هنر ، نه لري
ډیر عبرتنـــاکـــــه ، زماني کی او ســــو
دا عبرتګــــــــاه ، پــــه مونږ اثر نه لري
واګـي په لاس د سر نو شت کړي هغوی
چي د خپــل ځــــــــانه هم ، خبر نه لري
هر چـــــــا له یاده غــورځیدلی یو، مونږ
ځــکه چي څوک پر مونږ، نظر نه لري
شپي د فراق دي چي اوږدیږي په مونږ
دغه ماښـــــــام ګــــوندي، سحر نه لري
