24
اتوار, نوومبر
1 New Articles

د طبیعت رنگینا

د اونۍ شعر
Typography
  • Smaller Small Medium Big Bigger
  • Default Helvetica Segoe Georgia Times
 
ده په عهد او په پیمان
هر یو فصل د زمان
د زمان رنگ، رنگ گلان
د ښکلا لري نشان
دا نشان او دا ښکلا
آزادي لري د ځان
دا څو رنگه آزادي
سار یې نشته په جهان
را پیدا چې شي خزان
سیلۍ راشي په بوستان
رنگینا د طبیعت
تغیر راولې په شان
د سیلۍ هره څپه
پاڼې، پاڼې کړي گلان
هره پاڼه شي لولان
شي دانه دانه باران
د انسان هر بزم او رزم
بل رنگ نه کړي دا کمان
کائیناتو کې نصرت
دی آزاد  په خپل مکان
ستر واکدار دي په انسان
هم د ځمکي هم اسمان

‏۲۵.۱۱.۲۰۱۹‏
وایله
دنمارک