وروستي مطالب

د "فساد" په تور د بن لادن ورور او میلیاردر سعودي شهزاده هم نیول شوي

یکشنبه, 14 عقرب 1396 21:46

د رسنیو رپوټونه وايي، په سعودي عربستان کې د فساد ضد مبارزې جرګه ګۍ په غوښتنه د دغه هېواد ۱۱ شهزادګان، څلور د اوسني حکومت او په لسګونو پخواني وزیران نیول شوي دي.

العربیه تلوېزون وايي، دا تورن کسان د محمد بن سلمان په امر نیول شوي دي.

په نیول شویو کسانو کې پېژندل شوی سعودي میلیاردر ولید بن طلال هم شته چې په سیاسي ډګر کې هم مطرح کس دی

د امریکا په یوې کلیسا کې یوه بریدګر ۲۷ کسان ووژل

یکشنبه, 14 عقرب 1396 21:42

د امریکا د متحده ایالتونو ټکساس ایالت یوې کلیسا کې ۲۷ کسان هغه مهال وژل شوي چې د یکشنبې ورځې عبادت لپاره راټول شوي ول.

برید د ولسن په سیمه کې په یوې بپتست کلیسا کې شوی چې په پېښه کې د ټپیانو شمېر ۲۵ ښودل شوی دی.

د امریکا د فډرالي پلټونو اداره وايي، سره له دې چې د یوه ډز کوونکي رپوټ ورکړل شوی، خو پر نورو احتمالاتو هم غور کوي

افغان حکومت د شلو ورځو لپاره وټس اپ او ټیلیګرم بندوي

جمعه, 12 عقرب 1396 19:01

دا لومړی ځل دی چې افغان حکومت په رسمي ډول ددوو ټولنیزو رسنیو فعالیت ځنډوي.

د افغانستان د مخابراتو او معلوماتي ټکنالوژۍ وزارت وايي د وټس اپ او ټیلیګرم د ټولنیزو رسنیو د بندولو په اړه پریکړه یې د افغان حکومت ذ امنیتي ادارو په غوښتنه کړې ده.

د دې پریکړې له مخې به د شلو ورځو لپاره په افغانستان کې د وټس اپ او ټیلیګرم ټولنیزو رسنیو څخه کاراخیستل وځنډول شي

ناټو: د شورشیانو څخه د پاکستان په ملاتړ کې تراوسه بدلون نه دی راغلی

پنجشنبه, 11 عقرب 1396 19:19

د ناټو چارواکي پاکستان لا هم په دې بحث بوخت دی چې په افغانستان کې له شورشیانو ملاتړ ته دوام ورکړي او که نه.

د قاطع ملاتړ ماموریت چارواکي وايي، په دې وروستیو کې په افغانستان کې د ایران، روسیې، پاکستان او چین فعالیتونه زیات شوي او دا هیوادونه هڅه کوي چې د دغه هیواد په راتلونکي کې یو رول ولوبوي.

په افغانستان کې د قاطع ملاتړ د ماموریت د ګډ استخباراتي او عملیاتي مرکز قوماندان ډګروال کورتیس بورنز په کابل کې د قاطع ماموریت په قوماندانۍ کې د خبریالانو یوې ډلې سره په خبرو کې وویل چې دا هیوادونه د افغان حکومت او طالبانو د

اجرائیه ریاست: هېڅ‌څوک د نظام د ګواښلو حق نه‌لري

پنجشنبه, 11 عقرب 1396 19:12

د ملي یووالي حکومت اجرائیه ریاست د ځینو افغان سیاستوالو د وروستیو څرګندونو په اړه وايي، هېڅ‌څوک د نظام د ګواښلو حق نه‌لري.

اجرائیه ریاست وايي چې د ګواښونو او خطرونو پېښول، له هېواد سره مرسته نه‌شي کولای.

د اجرائیه ریاست د ویاند مرستیال جاوید فیصل د پنجشنبې په ورځ «۱۳۹۶ کال لړم ۱۱» په یوې خبري ناسته کې سره له دې چې د کوم سیاسي شخص نوم یاد نه‌کړ، خو ظاهراً یې خبرې د بلخ والي عطا محمد نور او د اوبو او برېښنا پخواني وزیر

خامنه‌يي: د امریکا ګوښې کولو لپاره د ایران او روسیې ملګرتیا پکار ده

پنجشنبه, 11 عقرب 1396 19:06

د ایران مذهبي مشر ایت الله خامنه‌یي ویلي، د تهران او مسکو په ګډو هڅو واشنګټن ګوښه کېدای شي.

نوموړي د روسیې له ولسمشر ولاديمیر پوتین غوښتي چې د امریکا د ګوښې کولو په لارو چارو کې له ایران سره مرسته وکړي.

د ایران د دولتي رسنیو د خبر پر بنسټ، ایت الله علي خامنه‌يي له ولاديمیر پوتین سره په لیدنه کې په منځني ختیځ کې د ثبات ټینګولو او د امریکا په ګوښې کولو کې د تهران او مسکو د مرستو د زیاتوالي غوښتنه کړې ده

'د اسامه بن لادن په کمپيوټر کې پښتو سندرې هم وې'

پنجشنبه, 11 عقرب 1396 18:59

د امریکا څارګرې ادارې سي ای اې نژدې نیم میلیون هغه کمپيوټري فایلونه خپاره کړي، چې د پاکستان په ایبټ اباد ښارګوټي کې يې د اسامه بن لادن له کوره په ۲۰۱۱م عیسوي کال کې ترلاسه کړي و.

په دغو کمپيوټري فایلونو کې لیکونه، ويډيويي فلمونه، پښتو او هندي سندرې او د هغه د ماشومانو کورنۍ وډيوګانې شاملې دي.

د سي ای اې پر وېبپاڼه په خپره شوې اعلامیه کې د سي ای اې مشر مايک پمپیو ویلي، دغه کمپيوټري فایلونه يې ځکه د امریکايي ولس لپاره خپاره کړي، چې هغوی د دغې اورپکې ډلې پر پلانونو او فعالیتونو خبر شي

د ټرمپ دوه پخواني همکاران د اکتوبر۳۰ محکمې ته حاضر کړل شوي وو.

سه‌شنبه, 09 عقرب 1396 20:25

د جمهور رئیس ټرمپ د انتخاباتي ټیم عدلي تعقیب پیل شو

د امریکا د ۲۰۱۶ کال د جمهوري ریاست په انتخاباتو کې د جمهور رئیس ډونالدټرمپ د انتخاباتي کمپاین او د روسیې ترمنځ د احتمالي ارتباطاتو لرلو په اړه د پلټنو ځانګړې ډلې د دوشنبې په ورځ د ټرمپ د کمپاین د پخوانیو دوه همکارانو پال مئنافورت او ریک ګیټس په اړه ځنی جرمي تورونه پوری او افشا کړل.

دغه ځانګړی پلټونکی روبرت مولر نومیږي او وی ویل چې د ټرمپ د کمپاین یو پخوانی همکار، جورج پاپادوپولوز د روسیې د ارتباط لرلو په اړه د تحقیق په وخت کې فدرال پولیسو (اف.بي.آی) ته درواغ ویلي وو