‎د سیمې د استخباراتو بله توطيه هم افشاء شوه!

.
‎تازه د پاکستان یوې مشهورې ورځپاڼې د ‌‌‌‌‌‌ډان په نوم داسې خبر خپور کړی وه چې ګواګې د افغانستان پلاوي  هلته پاکستان کې د جنرال باجوه سره د  د ‌‌‌‌‌‌ډيورند کرښې په موضوع بحث کړی  ، چې دا موضوع یې د افغانستان د ملي امنیت د شورا سلاکار محمد حنیف اتمر ته خاصه کړې وه ، خو ددې خبر په غبرګون کې اتمر صیب د افغانستان ولس ته ‌‌‌‌‌‌ډا‌‌‌‌‌‌ډ ورکړ او ویې ویل  : 
‎چې پاکستان ته د لوړ پوړي امنيتي پلاوي د وروستي سفر پر مهال له ښاغلي جنرال باجوه سره نه کومه ليدنه او ملاقات شوی او نه هم د ډيورنډ د فرضي کرښې په مورد له نوموړي یا کوم بل چا سره کومه خبره شوې ده. په ټولنيزو شبکو کې نشر شوی خبر کاملا" بې بنسټه او يوه جعلي پروپاګنده ده. 
‎د ډيورنډ د فرضي کرښې موضوع تر دې مهاله په هيڅ کوم مجلس کې نه راپورته شوي او نه هم بايد دا موضوع را پورته شي. 
‎د ډيورنډ د فرضي کرښې موضوع د افغانستان په ټول ملت پورې اړه لري او هيڅ حکومت حق نه لري چې پر دې موضوع حتی خبرې وکړي. 
‎اوس نو افغان ولس باید په دې وپوهېږي چې د
‎سیمې استخبارات هڅه کوي د افغانستان مشران په بېلابېلو نومونو نوم بدي کړي،ځکه یو ځل یې خبر خپور کړ او اوس وايي چې دا خبر موږ ندی خپور ، له دې ښکاري چې زموږ دښمن په هر راز هڅو سره د افغانستان د خلکو اذهان اړولی شي. 
‎اوس نو د افغانستان ولس باید په خپلو مشرانو باور ولري ، کله چې یوه موضوع اوري باید چې د هغې څېړنه وکړي او حقیقت یې باید پيدا کړي اوس داسې وخت دی چې د افغانستان د حکومت د مشرانو تر څنګ ودرېږو او ملایې ور وتړو او د ټولو برنامو ملاتړ یې وکړو، ځکه چې ددوی هڅې د افغانستان د خلکو د هوسا ژوند د پاره دي ، د بهرنیو استخباراتي کړیو هر راز توطيې شن‌‌‌‌‌‌ډې کړو تر څو مو مشران هغې موخې ته ورسېږي کوم چې د ټول ولس هیله ده . 
‎اتمر صیب هغه څوک دی چې تل یې د افغانانو د هوسا ژوند د پاره او د افغانستان د سولې د پاره یې نه ستړې کېدونکې هیلې ځلې کړي دي.
‎موږ په افغانستان کې د تلپاتې سولې هیله لرو.
‎مرګ په هغو چې زموږ مشران تخریبوي.
‎مینه منګل