انجنیرعبدالصبورساپی
پدې خړو شاړوبه د سرو ګلو بهار راځي
مېله د غاټولو سخي جان پرستر مزار ګوره
سرې به شي لاله به شي دا خړې دښتې لالزار
الواني بشرئې د ناولو سترګو خار ګوره
هره خوا به لوبې د سروګل او پاڼو وي جوړه
نسیم د شنه سحر په دې کلي او بازار ګوره
چالاس په دعا وچت څوک تړي بند د امیدو
عشق دپاکې مينې داسې خواست له کردګارګوره
بدلېږي څنګه ژوند دکس او ناکس پلاس یودم
لاله په زړه تورخال د بدو داسې هر کارګوره
هسې تېرباسي مو له جهانه د ارزښت سترګې
شیخ و ملا وقاضي د وخت پدې آزارګوره
دنیا ئې ترنګین و ترعبا کوي خبرې
تشې وعدې د جنت په توره و تلوارګوره
سوادګری ده بې درېغه رنګ و فرهنګ په دنیا
چپنه څادر پکول ږيره خالي افکار ګوره
بیائې سرهٔ کړلل لاسونه د سرو ګلو په غنچو
د بازانو په کور د قارغانو داسې ښکار ګوره
مه ګڼه باران تل دللمو غاټول سره راځي
کله ستر سېلاب شي بیا غصه وداسې قارګوره
دا ناروا ترکله صبوره وخت د خوزیدو
کاروان تېرېږي ودهٔ په خاب د قندهارګوره
