غوره مشري کتاب چې د مشرۍ په اړه امریکایي لیکوال برایان ټریسي لیکلی له چاپه را ووت. دغه کتاب نوی پښتو ژبې ته امین پاچا را ژباړلی او اکسوس کتاب پلورنځي خپور کړی دی.
نوموړی کتاب د مشرۍ په اړه مهم او په زړه پورې معلومات لري او د هغو کسانو لپاره چې غواړي د یوې کمپنۍ او یا هم یوه سازمان مشري وکړي خورا اړین دی. دوی کولی شي د خپل شرکت په لا پیاوړتیا او د کار کوونکو د ښې ګومارنې په برخه کې له دغه کتابه ګټه پورته کړي.
مینوال کولی شي دغه کتاب په کابل، کندهار، ننګرهار، خوست او پکتیا ولایتونو کې تر لاسه کړي.
