مړوته د سپکاوی ويډیو خپریدل دمذاکری پروسی ته زیان نه شې رسولای

سلام خان
د هغې ویډيو خپریدو چې ظاهرا یو شمېر امریکايي عسکر د وژل شوېو وسله والو طالبانو مړیو ته د سپکاوي په حال کې ښکاره کوي، په افغانستان او امریکا کې د زیات شمیر خلکو غصه پارولې ده،یو شمېر افغانانو چې د دې ویډيو خپریدو په غصه کړي دي وایی، چې ښايي دا د سولې خبرو ته زیان ورسوي

او وایی چی،دا ویډيو په یوه ډير حساس وخت کې خپره شوې ده،څکه  دا مهال امریکا هڅه کوي چې له افغانستان څخه په تدریجي ډول د خپلو عسکرو د ایستلو ترڅنګ په دې هېواد کې یوه سیاسي جوړ جاړي ته لاره هواره کړي،خو دطالبانو یو ویاند ،ذبیح الله مجاهد دچهار شنبی په ور ځ و رویټرز اژانس ته په خپلو ځرګندونو کی ویلی دې، چې د داسې ویډيو ګانو خپریدل، د مذاکرو او د بندیانو د تبادلې پروسې ته زیان نه شي رسولای ځکه دا سیاسي پروسه په ابتدايي مراحلو کې ده،ذبیح الله مجاهد ویلي، چې د طالبانو وسله وال به په عین حال کې خپله پوځي مبارزه جاري وساتي،دطالبانو په یوه بله خبر پا ڼه کی چی ځینو رسنیو ته رسیدلی ده راغلی دې، چې له تېرې يوې نيمې لسيزې راهيسې طالبان د اسلامي نظام او له هېواده د بهرنيو ځواکونو د وېستلو په موخه پر مبارزه بوخت دي،طالبانو دغه راز په دې خبرپاڼه کې ويلي، چې د همدې موخې د ترلاسه کولو او په هېواد کې د سولې او ثبات د راوستلو په منظور يې په دې وروستيو کې سياسي هلې ځلې زياتې کړي، تر څو د اوسنۍ قضيې د حل  په مقصد له نړيوالې ټولنې سره افهام او تفهيم ترسره کړي،خو په خبرپاڼه کې داهم راغلي دی، چې دغه  تفاهم له مبارزې د لاس اخيستو په مانا نه دى او نه د کابل د ادارې د اساسي قانون په منلو پورې تړلی دی، بلکې  طالبان به د نظامي شتون او جهاد ترڅنګ له سياسي تحرک څخه هم کار اخلي.
دامريکا د بهرنيو چارو وزيري هيلري کلنټن د چارشنبې په ورځ د قطر له صدراعظم سره تر ليدو وروسته د افغانستان د سولي د بهير په اړه خبري کړی دې،نوموړې ویلي دی،چي د کرزي او طالبانو له خوا خوشبينانه خبرو دا څرګنده کړه چي په قطر کي د طالبانو د دفتر د پرانيستلو د طرحي ملاتړ کيږي،د امريکا د بهرنيو چارو وزيري دغه راز ویلی د چي تراوسه لا طالبانو ته په قطرکي د دفتر د پرانيستلو په اړه کومه پريکړه نه ده شوې. د هغې په خبره متحده ايالات اوس پردې باندي فکر کوي چي د دې دفتر پرانيستل به د افغانستان له پاره څومره ګټه ولري،کلنتن دغه راز په خپلو خبرو کي ويلي دي چي امريکا لا تر اوسه پوري د ګوانتانامو له زندان څخه د بنديانو د آزادولو په اړه کومي پريکړي ته نه ده رسېدلې،امریکايي چارواکي وايي چي د افغانستان او پاکستان له پاره د ولسمشر اوباما ځانګړی استازی مارک ګروسمن، به په راتلونکې اونۍ کي کابل ته سفر وکړي چي د امريکا او طالبانو تر منځ د سولي د خبرو په اړه د ولسمشر کرزي رضايت ترلاسه کړي،مارک ګروسمن به پر کابل سربيره د افغانستان ځينو نورو لويو ښارونه ته هم سفر وکړي. دامریکایی چارواکو په حواله که ولسمشر کرزی د طالبانو او امريکا تر منځ خبرو سره موافقه وکړي، کيدای سي دغه بهير په څو اونيو کي پيل شي،ويل کيږي چي مارک ګروسمن به پرافغانستان سربيره سعودي عربستان او ترکيې ته هم سفر وکړي او ددغو هيوادونو له چارواکو سره به د افغانستان د سولي پر بهير بحث وکړي،يوه امريکايي چارواکي د نوم د نه اخيستلو په شرط ويلي دي چي که کرزی موافقه وکړي نو د امريکا او طالبانو تر منځ خبري به ډير ژر پيل شي. دغه چا رواکي دغه راز ويلي دي چي تراوسه لا دا معلومه نه ده چي ولسمشر کرزی به د طالبانو او امريکا تر منځ د سولي له روان بهير سره موافقه وکړي که نه؟امریکا غواړي چې په قطر کې د طالبانو د دفتر له پرانستلو سره د افغانستان د حکومت ملاتړ ترلاسه کړي. د افغانستان حکومت لا مخکی ویلي و چې دوی د قطر د خبرو او هلته د طالبانو د دفتر د پرانستلو مخالفت نه کوي خو ملاتړ یې هم نه کوي،راپورونه وايي چې د افغانستان حکومت په قطر کې له طالبانو سره پر پیل شوې پروسې راضي نه دی او د طالبانو په منځ کې هم د اختلافاتو ګنګوسې اورېدل کېږي،یوشمېر طالبانو له امریکایانو سره د خبرو مخالفت کړی او ویلي یې دي چې په دې توګه د دوی قربانۍ ضایع کېږي
ولسمشر کرزی  دامریکایی عسکرو له لوری له سپکاوی څخه ډکه ویډیو خپریدل په شدت غندلی ده او ویلی یی چی افغان حکومت ددی څرګند سپکاوی له کبله ډیر خوابدی دې،د ولسمشر له دفتره په خپره شوي اعلامیه کې راغلي، هغه څه چې په دې ویډیو کې څرګندیږي غیر انساني او په شدت د غندلو وړ دی،د امریکا سمندري ځواکونه هم ویلی دی، چې پر یوټيوب د دې خپرې شوې ویډیو په اړه چې ظاهرا یو شمېر امریکايي عسکر د طالبانو مړیو ته د سپکاوي په حال کې څرګندوی، څيړنې کوي،پای سلام خان