د بزګر لور

نو بزګر ته يې د یو جوړجاړي وړاندیز وکړ او بزګر ته يې وویل چې که ستا له لور سره زما واده وشي نو  زه خپل ټول پورونه تاته دربښم. د بزګر لور ددغه وړاندیزه په آوريدو ډيره  وارخطا پریشانه شوه . خو چالاکه شتمن بوډا ددې دپاره چې وښيي دا وړاندیز يې د پيرزوینې له مخې کړی نو وویل؛ ... راځۍ یو کار کوو ، زه یو سپین او یو تور کاڼی په یوه تشه خلطه کې اچوم، او د انجلي سترګې تړم څو انجلۍ په پټو سترګو له خلطې څخه یو کاڼې راوباسي که انجلۍ تور کاڼی را و ایست نو له ما سره به واده کوي  او که سپین کاڼی يې و ایست نو لازم نه ده له ما سره واده وکړي او زه خپل ټول پورونه ور بښم خو که هغه داکار ونه کړي نو پلار يې باید بندي شي. دغه خبرې اترې د بزګر د کور مخې ته تر سره شوې چې په دغه ځای کې زیات کوچني کاڼي پراته ول. په دې وخت کې بوډا ټيټ شو او دوه کاڼي يې را پورته کړل انجلۍ چې بوډا ته ځیر وه  ولیدل چې بوډا دوه تور کاڼي له ځمکې را پورته کړل او په خلطه کې يې واچول. خو انجلی غږ ونه کړ اوچوپه خوله پاتې شوه.

لږ وروسته بوډا پر انجلۍ غږ وکړ څو له خلطې څخه یو کاڼی را وباسي.

انجلۍ خپل لاس په خلطه کې دننه کړ او یو کاڼی يې له خلطې څخه را وایست او په زیاتې چټکۍ او چالاکۍ سره يې بې له دې چې د چا ورته پام شي او څوک يې وویني کاڼی پر ځمکه و غورځوه او داسې يې وښودله چې ګنې کاڼی يې له لاسه پر ځمکه ولوید. د کاڼو په منځ کې د هغه کاڼی پیداکول ډېر ستونزمن او بيخي ناممکن کار ؤ . په دې وخت کې انجلۍ وویل اوه زما په لاسونو او پښو کې هيڅ ساه نشته! خو مهمه نه ده که هغه کاڼی چې په خلطه کې پاتی دی را وباسو نو څرګنده به شي چې زما د لاس د کاڼي رنګ څرنګه ؤ؟ ! بوډا په خپل چل کې راګير شو او بې له دې چې څه ووايې پر دغه نتیجه قناعت وکړ ځکه بله چاره يې نه لرله خو انجلۍ  داسې وښودله چې ګنې د کاڼی له لیدو څخه  حیرانه شوې ده.