عبدالسلام اندړ
(Clown)سرکس يو ډول عجيبي،حيرانونکي او په زړه پوري لوبې دي چې منځنی رول يې یامسخره لوبوي . دا مسخره هم حيرانونکي توڼه (قيافه) لري سر يې تر څټه پوري پک وي . اوږده ، سره او پڅه پزه ،ښه غټ غټ غوږونه لري ،کله ژاړي ،کله په قهر وي، کله بياخاندي او کله بيا هم يو او بل ته ستر ګک وهي، ځړېدلې
همدارنګه دسرکس په لوبو کې وزغن،ببر، خيرن ،پاک او لغړ لوبغاړي هم داسي حرکتونه کوي چې دليدونکو دزياتي توجه او خنداوړ ګرزي .
دحيرانتيا وړ خبره خو داده چې پر وحشي ژويو باندي دلښتي او يايوې خوږې ګولې په ذریعه داسي حرکتونه اجرا کوي چې دسړي سد له سره وړي ،هغه دا چې : وزې پر پړانګانو، خره پر اسانو،موږکان پر پشيانو،چرګان پر ګيدړانو، شغالان پر سپيانو،غوايي پر زمريانو اوبيزوګان پر موټرسيکلانو داسي سپرېږي لکه دا کسب چې له پخوا ورته په ميراث پاتي وي .
دا ډول لوبې ما کله هم نه وې ليدلې ، خو مداريان ،پاړوګران اوشعبده بازان مي ليدلي وو،چې دځينوننداره چيانو سترګې يې ورپټولې او څو پيسې به يې له جيبوڅخه ځيني ايستلې،هغوی به يوه ورځ ورسته له خپلو جيبو څخه خبرېدل ،هومره خطرناک نه وو .
خو دغه سرکس ډېر خطرناک دی ، ځکه چې:که دا سرکس ځناوران يوځل بې لاري شول،خدای مکړه ! ټول ننداره کوونکې به تباه اوبرباد کړي . بيايې مخنوی هم ناممکن دی .
عبدالسلام اندړ
۲۰۱۱/۱/۲۵