له ماشومانو سره متضادې رويې ناوړه پايلې لري

عزيز الرحمن "ذكي"

كومه ټولنه چې د اقتصادي، سياسي اجتماعي او علمي پلو وروسته پاتې وي له ډېرو ستونزو ، كړاوونو او ربړو سره لاس او ګرېوان وي چې يو له هغو ستونزو له څخه ماشومانو سره متضادې رويې دي دغه رويې اكثر د نوي ماشومانو له پيداكېدو سره منځ ته راځي زمونږ په افغاني ټولنه كې مور ،پلار او د كورنۍ نور غړي يو ماشوم ته تر هغه وخته ډېره مينه وركوي

چې بل ماشوم نه وي پيداشوى د بل ماشوم له پيداكېدو سره بيا لومړى ماشوم پرېښودل كېږي او هغه ټوله مينه چې به هغه ته وركول كېده بيا دويم ماشوم ته وركول كېږي لمړى ماشوم چې تل يې د كورنۍ له ټولو غړو مينه اخسيتې ځان يواځې احساسوي او داسې فكر كوي چې په نړۍ كې هېڅوك دده خواخوږى نشته داسې ماشومان اكثر ذيلي كېږي ډېر ژاړي، ورځ په ورځ په ذهني او جسماني لحاظ كمزوري كېږي او په ډول ډول ناروغيو اخته كېږي اكثر وخت ماشوم روغ وي خو ذېله كوي او ژړېږي مور او پلار يې فكر كوي چې يا خويې ماشوم ناروغ دى او يا پرې د پېريانو څه اثر پرېوتى او يا داچې د نظر تاثير دى نو بيا يې په ملايانو،ډاكټرانو او زيارتونو ګرځوي سره لدې هم د ماشوم په ذېله(ځان زورونه ) او ژړا كې څه كمى نه راځي خو مور، پلار او د كورنۍ نور غړي يې دې ټكي ته متوجه نه وي چې ددوي ماشوم يواځې او يواځې په هغې مينې پسې لېونى دى چې له ده سره كېده.
نو ددې لپاره چې ماشوم په ذهني او جسماني لحاظ قوي وساتل شي له متضادې رويې ډډه كول پكاردي او بايد له دواړو ماشومانو سره يو قسم رويه وشي، كه چېرې له دويم ماشوم سره د لمړني ماشوم په نسبت ډېره مينه كېږي نو لمړنى ماشوم بايد پدې خبره پوه شي چې هغه ستا وړوكى ورور يا خورده او ته هم له هغه سره مينه وكړه ځكه هغه دنيا ته نوى راغلى او لدې چاپيريال سره نا اشنا دى تر څو دويم ماشوم پدې حقيقت پوه شي چې مور او پلار يې لده سره هم مينه كوي او پدې توګه ماشوم د كمترۍ له احساسه او همدارنګه له ذهني او جسماني كمزورتيا څخه وژغورل شي.
په همدې هيله.