پښتنه کلیواله
د نړۍ ټول خپلواک هېوادونه ، هر یو ځانګړي کورني او بهرني ستراتیژۍ لري، چې د هغو پر بنیاد خپلې تګلارې تعینوي .
د اکثرو هېوادونو بهرنۍ ستراتیژۍ اوږدمهاله دي، که هر څومره حکومتونه تغیر او تبدیل کېږي خو بهرنۍ تګلارې او پالیسۍ یې په خپل حال پاتې وي.
او نوي حکومتونه هماغه پخوانۍ تعقیب کوي او پر بنیاد یې عمل کوي
.
افغانستان هم یو له هغو خپلواکو هېوادونو څخه دی چې حکومتونه یې خپلې کورنۍ او بهرنۍ ستراتیژۍ جوړوي، او د هغو پر بنیاد خپل کارونه پرمخ وړي.
خو دا ستراتیژۍ لنډ مهاله دي ځکه هر هغه حکومت چې نوی قدرت ته رسېږي، پخوانیو ستراتیژیو ته د خپلې خوښې تغیر ورکوي.
چې دا کله ناکله ناکامې هم وي.
د افغانستان بهرنۍ تګلاره د بېطرفۍ په اصل ولاړه ، د سیمې او نړۍ هېوادونو سره ښې اړیکې د نورو په کورنیو چارو کې نه لاسوهنه، د خپلې خاورې څخه نورو ته د خطر نه پيدا کول، او داسې نور، دا هغه څه دي چې داپالیسي او تګلاره، ډېره بریالۍ، او د بین المللي اصولو پر بنسټ ولاړه ده .
د ملي یووالي حکومت په جوړېدو، او د محترم ولسمشر محمد اشرف غني تر مشرۍ لاندې ، زموږ بهرنۍ ستراتیژي دومره بریالۍ ده چې هېڅکله یې ساری ندی لیدل شوی.
که حقیقت ته ځير شو د نړۍ اکثره هېوادونه ، بین المللي سازمانونه، لکه د ملګرو ملتونو سازمان ، د ناټو سازمان، اروپايي اتحادیه، اسلامي کانفرانس، د شانګهای سازمان، د ایکو سازمان، او داسې نور ملي او بین المللي ټولنې او سازمانونه چې په دې وروستیو وختو کې یې د افغانستان سره هر اړخیزې مالي او معنوي مرستې زیاتې کړې دي او د افغانستان په داخلي ستراتیژۍ کې یې تر ټولو مهمې برخې چې له هغو څخه د سولې او جګړو څخه د خلاصون لاره ، او اقتصادي کړنلارې د ټولو په سر کې دي.
ټولې بین المللي ټولې او سازمانونه ، د افغانستان ددې بر حقه غوښتنو څخه پوره ملاتړ کوي.
که خدای ج کول د هغو په همکاریو سره به موږ ډېر زر خپل دغه ملي او اسلامي ارمان ته ورسېږو .
د افغانستان کورنۍ ستراتیژي ، چې عمده موخې یې سوله او ثبات د اقتصادي زیربېناو جوړول، سیاسي او کلتوري ارزښتونه ، ښه حکومتولي، د ښځو حقونه، پراخې مدني ټولنې ، او په ټوله کې د بشري حقوقو ملاتړ د ملي یووالي حکومت له کورنۍ تګلارې اساسي غوښتنې دي.
خو له بده مرغه یو شمېر مفسدین ، لکه جنګسالاران، د مخدره موادو قاچاق کوونکي، د ځمکو غاصبین، او داسې نور چې تل یې د مغرضو بهرنیو استخباراتي کړیو ، په اشاره د مذهب، قوم، ژبې، او سمت په نوم یې ستونزې او خنډونه جوړ کړې دي.
چې د خپلو بادارانو د خوشحالۍ ، او خپلو شخصي ګټو په خاطر یې زموږ ملي ګټې او ملي ارمانونه له خنډ او ځنډ سره مخامخ کړې دي.
چې دې ډلو نه یواځې د افغانستان ، د پرمختګ د پاره مشکلات جوړ کړې دي، بلکې نوره نړۍ یې هم پر موږ بې باوره کړې ده.
د افغانستان د ملي یووالي حکومت او ټول افغانان په دې پوه شوي دي چې باید سره یو شي او د خپل مشر تر څنګ ودرېږي، تر څو
ددې جنایتکارانو مخنیوای وکړي او افغانستان د پرمختګ او سوکالۍ، په لور روان شي.
