څه باید وکړو چې سهار تازه او با انرژي اوسو؟

 

ددې دپاره چې سهار تازه او باانرژي اوسو او له خپلې ورځې زیاته ګټه اوچته کړی شو ، یو څو ساده ټکو ته مو پام را اړوم : 

د لمر د لومړیو وړانګو په ځلېدو سره د خونې یا کوټې تورې پردې لرې او کړکۍ پرانیزئ. له کړکۍ بهر وګورئ او پرېږدئ څو د لمر وړانګې ستاسې د سترګو پر تور ولګېږي

.

د لمر وړانګې کله چې زموږ د سترګو پر تور لګېږي ، زموږ په بدن کې د خوب هارمون یا میلاتونین کچه کموي . کله چې د خوب د هارمون کچه زموږ په بدن کې ټيټه شي ، د انرژي دپاره پوره ځای پیداکېږي نو له دې کبله موږ ځان تازه او له انرژۍ ډک احساسوو.

بله خبره چې باید په پام کې ونیسو داده چې سهار له خوبه تر پاڅېدو وروسته کله چې په خپلو پښو ودرېدو په کار ده له اوبو ډک یو لوی ګیلاس وڅکو. زموږ ماغزه هله ښه کار کوي کله چې زموږ ماغزه د خپل اړتیا وړ اړینې اوبه تر لاسه کړي وي او د اوبو کچه يې ټيټه شوې نه وي. موږ د شپې له خوا اوبه نه څکو چې دا کار زموږ د مغزو د اړتیا وړ اوبه کموي.

عبدالملک پرهیز

 

 

لوستل شوی 239 ځله Last modified on جمعه, 10 عقرب 1398 19:53

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي