څو په خپله سره یو نه شو ورکیږو

لاترڅو به په سرو وینو کې لمبیږو

هره ورځ دلته د غم په ټغر ناست یو

د غزني ،کابل،ننګرهار په ویر ژړیږو

 علي خان صافي

غوښتې موکاڼي ترخوړولاندې وي
په پسرلي کې ترسیلولاندې وي
دمَني تورماښام په ګرد وباد کې
دود د کږدیووترایرولاندې وي
پوره کېدوته یې أُمېد نه لرو
ږوندون موټول ترارمانولاندې وي
نړۍ ته وایوالله پامان دَی تانه
زړونه به تاکې تردردولاندې وي
الله کړه برخه پردېسې دعلي خلن
هرڅه نړۍ کې تقدیرولاندې وي

يو ذره عقل که واى زموږ په سرکې
اوسيدو به ولې تل په جهنم کې
پرګنې به اوسېدې پت او عزت کې
د افغان په دا ښايسته ښکلي وطن کې

ورځ تر بله خرابیږي دا وطن

 په نفاق کې نه جوړیږي داوطن

د بې رحمه او مکار دښمن دلاسه

هره خوا په اور سوزیږي دا وطن