اتل شهید

اتل شهید

 

شاعر : سمیع الدین افغ

په میړانه ئې سپرکړې خپل سینه ده

نن خوره  په وطن بیا د غم څپه ده

 

د غلیم سره په محامخ جګړه کي

د شهید د سر ښندنو حماسه ده

 

دردونکې جنازه د ځوان اتل ده

د وطن په پوله جوړه کارنامه ده

 

انتقام  یې نن د هر یو افغان فرض دی

دا مو عهد دا مو پیمان دا مو وعده ده

 

نن دونیا او نړیوال پرې ښه پوهیږي

چې دا چا ده خوره کړې دا فتنه ده؟

 

د دونیا په هره سیمه  چې وحشت دی

 د  ورانکارو ، دهشتګرو دسیسه ده

 

ربه ته د زور واکانو  زور زاوال کړې

چا چې کړې د بل چا په حق سلطه ده

 

راځۍ ورونو چې یوموټی یو قوت شو

چې خلاصون ته د یووالي لار کره ده

————————

۵ - ۹ - ۲۰۲۰

م ۰ کال

 

لوستل شوی 64 ځله Last modified on شنبه, 15 سنبله 1399 14:08
دې ته ورته نورې ليکنې « د سولې هیلې د مهاجرو کمپ کې »