آزمـــون

آزمـــون

 شاعر : سمیع الدین افغاني

څه رنګینه شان موقعه ده

د تـاریخ حساس شیبه ده

 

سرنوشت پــــه بله کیږي

د افغان د ژوند کیسه ده

 

زما ، ستا چې د لسیزو

د حالاتـو نــــه ګیله ده

 

اوس راپاڅه لاس په کار شه

چې د مرګ او ژوند صفحه ده

 

ښه یې وینو چې ډوبیږو

لا هم وینه مـو سړه ده

 

د افغان نسل ورکیـــږي

ترېنــــه پاتې قافله ده

 

نن د وخت بدنام سالار بیا

د ولس په سره دعوه ده

 

سره یو شئ چې ورکیږو

د غلیم سره مـو شپه ده

 

شهامت مونږ ته پکار دی

څه ویرجنه سلسله ده؟

 

سرنوشت مو خپل په لاس کړئ

د پردو نــــه څــــه ګیله ده

 

که یو نه شو نو ورکیږو

پکار عــــزم اراده ده

 

اوس لا هم زمونږ د نیکونو

لــــوټه شوی حماسه ده

 

پوه رهبر درول غــــواړو

دا مــــو عــــزم اراده ده

 

افغاني په دې موقعه کې

د یووالــــي لار کــــره ده

------------------------

 

 

 

لوستل شوی 56 ځله
دې ته ورته نورې ليکنې « بازی قدرت خطاء لارې »

خپل نظر وليکئ

ټولې کړکۍ چې د ستوري (*)نښه لري ډکول يې ضروري دي